Хитай даирилири 2011- йилида үрүмчидики уйғур мәһәллилирини тарқақлаштурушни давамлаштурмақчи

Хитай даирилири 2011- йилида үрүмчидә 15 миң аһалини өйидин көчүрүшни пилан қилмақта. Бүгүн асия киндики гезитиниң хәвиридин мәлум болушичә, уйғур аптоном район даирилири үрүмчи шәһириниң намрат районлиридики өйләрни түзәш қурулуши пиланини йолға қойған болуп, пилан бойичә 2011- йили 15 миң киши өйлиридин көчүрүлидикән.
Мухбиримиз ирадә
2010-12-23
Елхәт
Пикир
Share
Принт

Хәвәрдин мәлум болушичә, бу қетимлиқ қурулуш пиланиниң көлими 2010- йилидикидин икки һәссә зор болуп, уйғур районлуқ һөкүмәт даирилири қурулушқа зор мәбләғ аҗритип, 150 миң кишини өйлиридин көчүрүш хизмитини чиң тутуп ишләп, қисқа муддәт ичидә пиланни ишқа ашуридикән.

Хәвәрдә ейтилишичә, бу қурулуш пиланиға кетидиған мәбләғ хитай мәркизи һөкүмитиниң шинҗаңға түрләр бойичә ярдәм бериш сиясити бойичә, дөләттин берилидиған нуқтилиқ иқтисади ярдәм арқилиқ елип берилидикән.

Гәрчә, хәвәрдә қайси районлардики өйләрниң сөкүлидиғанлиқи вә кимләрниң көчүрүлидиғанлиқи ениқ тилға елинмиған болсиму, әмма бу түргә "аз санлиқ милләтләр олтурақлашқан намрат районларға алаһидә ярдәм бериш түри" дәп исим қоюлғанлиқидин қариғанда, буниң йәнила уйғурлар топлишип олтурақлашқан районларни асас қилидиғанлиқи мәлум болмақта.

Чүнки, хитай даирилири үрүмчи вәқәсидин кейин уйғур райониниң җәнуб вә шималидин келип үрүмчидә олтурақлишип қалған уйғурларни тарқақлаштуруп, үрүмчиниң ат бәйгә мәйдани, ташбулақ вә ямалиқ теғи районлирида өйләрни чеқип түзлигән иди.

Пикирләр (0)
Share
Толуқ бәт