Xitay da'iriliri 2011- yilida ürümchidiki Uyghur mehellilirini tarqaqlashturushni dawamlashturmaqchi

Xitay da'iriliri 2011- yilida ürümchide 15 ming ahalini öyidin köchürüshni pilan qilmaqta. Bügün asiya kindiki gézitining xewiridin melum bolushiche, Uyghur aptonom rayon da'iriliri ürümchi shehirining namrat rayonliridiki öylerni tüzesh qurulushi pilanini yolgha qoyghan bolup, pilan boyiche 2011- yili 15 ming kishi öyliridin köchürülidiken.
Muxbirimiz irade
2010-12-23
Élxet
Pikir
Share
Print

Xewerdin melum bolushiche, bu qétimliq qurulush pilanining kölimi 2010- yilidikidin ikki hesse zor bolup, Uyghur rayonluq hökümet da'iriliri qurulushqa zor meblegh ajritip, 150 ming kishini öyliridin köchürüsh xizmitini ching tutup ishlep, qisqa muddet ichide pilanni ishqa ashuridiken.

Xewerde éytilishiche, bu qurulush pilanigha kétidighan meblegh xitay merkizi hökümitining shinjanggha türler boyiche yardem bérish siyasiti boyiche, dölettin bérilidighan nuqtiliq iqtisadi yardem arqiliq élip bérilidiken.

Gerche, xewerde qaysi rayonlardiki öylerning sökülidighanliqi we kimlerning köchürülidighanliqi éniq tilgha élinmighan bolsimu, emma bu türge "az sanliq milletler olturaqlashqan namrat rayonlargha alahide yardem bérish türi" dep isim qoyulghanliqidin qarighanda, buning yenila Uyghurlar topliship olturaqlashqan rayonlarni asas qilidighanliqi melum bolmaqta.

Chünki, xitay da'iriliri ürümchi weqesidin kéyin Uyghur rayonining jenub we shimalidin kélip ürümchide olturaqliship qalghan Uyghurlarni tarqaqlashturup, ürümchining at beyge meydani, tashbulaq we yamaliq téghi rayonlirida öylerni chéqip tüzligen idi.

Toluq bet