Xitay merkiziy hökümiti Uyghur élidiki muhajirlar xizmitini tekshürdi

Xitay xelq qurultiyining muhajirlar komitétining mu'awin mudirining bashchiliqidiki xitay xelq qurultiyi muhajirlar komitétining bir tekshürüsh ömiki ürümchini ziyaret qilip, Uyghur aptonom rayoni da'iriliri bilen söhbet yighini ötküzüp, xitay xelq qurultiyining muhajirlargha munasiwetlik qanunining ijra qilinish ehwalini közetken.
Muxbirimiz ümidwar
2012-07-22
Élxet
Pikir
Share
Print


Tengri tagh torining bu heqtiki uchurida körsitilishiche, yighin'gha Uyghur aptonom rayonluq xelq qurultiyining mu'awin mudiri memtimin eysa riyasetchilik qilghan.

Xewerdin melum bolushiche, xitay da'iriliri Uyghur élini gherbiy shimaldiki asasliq muhajirlar yurti dep hésablash bilen birge hazir chet ‘ellerde Uyghur élidin chiqip ketken xitay muhajirliri we xitaylarning bir milyondin ashidighanliqi, bu sanning 90%tin artuqraqining az sanliq milletler ikenlikini békitken.

Éytilishiche, bularning mutleq köp qisimi qazaqistan, qirghizistan we özbékistan qatarliq ottura asiya döletliri, pakistan, se'udi erebistan, türkiye, hindistan we gherbiy jenubiy asiya döletlirige tarqalghan. Xewerde yene, gherb döletliridin "Gérmaniye, awstraliye, amérika we kanada qatarliq ellerdimu shinjangliq junggo muhajirliri we junggoluqlar bar" dep bayan qilin'ghan.

Biraq, xewerde 90% tin artuq az sanliq millet xitay muhajirining qachandin buyan chet'elde yashawatqanliqi éniq körsitilmigen bolup, bezi menbelerde buningdin ikki esirge yéqin waqit ilgiri ottura asiyada yerleshken Uyghurlarningmu hetta ötken esirning 50 - 60 - yillirida chiqip ketkenlerningmu bügünki künlerde xitay muhajiri hésablinidighanliqi körsitilgen. Emma, ottura asiyadiki bu Uyghurlarning alliqachan özlirini eshu yerning puqraliri hésablap bolghanliqi melum, bu xewerdin melum bolushiche, amérika, kanada, gérmaniye, awstraliye, türkiye qatarliq ellerge yerliship bolghan Uyghurlarmu oxshashla xitay muhajiri katégoriyisige kirgüzülgen.

Toluq bet