Ғәрбниң газини шәриққә йөткәш қурулуши иккинчи туруба линийисиниң уйғур елидики бөлики тамамланди

Уйғур ели иқтисади хәвәрлиригә қариғанда, 29 - декабир күни, хитай һөкүмитиниң пиланидики ғәрбниң газини шәрққә йөткәш туруба қурулушиниң иккинчи линийисиниң ғәрбтики йәни уйғур ели чегрисидики қисми тамамланған.
Мухбиримиз гүлчеһрә
2008-12-30
Елхәт
Пикир
Share
Принт

1008 Километир келидиған бу туруба линийиси, пиландин алтә күн бурун пүткән болуп,лаяқәтлик болуш нисбити %99 тин юқири икән.

Хәвәрдә дейилишичә, мәзкур туруба линийиси қурулушиға 400 дин артуқ ишчи қатнаштурулған. Гәрчә мәзкур қурулушқа қатнашқан ишчиларниң қанчилик нисбитини йәрлик хәлқ игиләйдиғанлиқи һәққидә мәлумат болмисиму, әмма 2008 - йили 3 - айниң 13 - күни мушу газ туруба қурулушиниң қорғас тәвәсидики иш орнида қар көчүш апити йүз берип 20 ишчи қапсилип қалған.

Уларниң бири қутқузулуп, бири өлгән, қалғанлири йоқап кәткәнлик хәвири елан қилинған иди. Мәзкур хәвәрдин бу қурулушқа қатнашқучиларниң хитай өлкилиридин кәлгән тохтамлиқ ишчилар икәнлики ашкариланған иди.

Хитай нефитлик гуруһи торидин ашкарилинишичә, җуңғар ойманлиқи ғәрбниң газини шәрққә йөткәш 2 - линийисидики запас газ мәнбә райони қилип бекитилгән. Мәзкур газ туруба иккинчи линийисини бу йил сентәбирдә пүтүнләй пүттүрүш пиланланған. Мәзкур линийә йеңи ечилишқа башлиған җуңғар ойманлиқидики тәбиий газ байлиқини хитай өлкилиригә йәткүзүш туруба ториниң асаслиқ линийиси. Бу линийә арқилиқ хитай даирилири җуңғар ойманлиқини " чоң нефит райони" дин " чоң нефит - газ райони" ға айландурмақчи.

Һазирғичә җуңғар ойманлиқидин тәкшүрүп ениқланған тәбиий газ записи 100 милярд куп метирдин ашиду.

Пикирләр (0)
Share
Толуқ бәт