Gherbning gazini sheriqqe yötkesh qurulushi ikkinchi turuba liniyisining Uyghur élidiki böliki tamamlandi

Uyghur éli iqtisadi xewerlirige qarighanda, 29 - dékabir küni, xitay hökümitining pilanidiki gherbning gazini sherqqe yötkesh turuba qurulushining ikkinchi liniyisining gherbtiki yeni Uyghur éli chégrisidiki qismi tamamlan'ghan.
Muxbirimiz gülchéhre
2008-12-30
Élxet
Pikir
Share
Print

1008 Kilométir kélidighan bu turuba liniyisi, pilandin alte kün burun pütken bolup,layaqetlik bolush nisbiti %99 tin yuqiri iken.

Xewerde déyilishiche, mezkur turuba liniyisi qurulushigha 400 din artuq ishchi qatnashturulghan. Gerche mezkur qurulushqa qatnashqan ishchilarning qanchilik nisbitini yerlik xelq igileydighanliqi heqqide melumat bolmisimu, emma 2008 - yili 3 - ayning 13 - küni mushu gaz turuba qurulushining qorghas tewesidiki ish ornida qar köchüsh apiti yüz bérip 20 ishchi qapsilip qalghan.

Ularning biri qutquzulup, biri ölgen, qalghanliri yoqap ketkenlik xewiri élan qilin'ghan idi. Mezkur xewerdin bu qurulushqa qatnashquchilarning xitay ölkiliridin kelgen toxtamliq ishchilar ikenliki ashkarilan'ghan idi.

Xitay néfitlik guruhi toridin ashkarilinishiche, jungghar oymanliqi gherbning gazini sherqqe yötkesh 2 - liniyisidiki zapas gaz menbe rayoni qilip békitilgen. Mezkur gaz turuba ikkinchi liniyisini bu yil séntebirde pütünley püttürüsh pilanlan'ghan. Mezkur liniye yéngi échilishqa bashlighan jungghar oymanliqidiki tebi'iy gaz bayliqini xitay ölkilirige yetküzüsh turuba torining asasliq liniyisi. Bu liniye arqiliq xitay da'iriliri jungghar oymanliqini " chong néfit rayoni" din " chong néfit - gaz rayoni" gha aylandurmaqchi.

Hazirghiche jungghar oymanliqidin tekshürüp éniqlan'ghan tebi'iy gaz zapisi 100 milyard kup métirdin ashidu.

Toluq bet