Мекискиниң штат башлиқи чошқа зуками вируси хитайдин кәлгән дәп җакарлиди

Мекискиниң веракуруз штатиниң башлиқи фидел һеррера дүшәнбә күни чошқа зукаминиң вируси хитайдин кәлгән дәп җакарлиғандин кейин, бир мунчә учур вастилири униң сөзини нәқил кәлтүрүп, мекискида партлиған чошқа зукаминиң хитайдин кәлгәнлкини баян қилған иди.
Мухбиримиз вәли
2009-04-29
Елхәт
Пикир
Share
Принт

Хитай бүгүн мекискида партлиған чошқа зукаминиң мәнбәси хитайдин кәлгән дегән һөкүмни рәт қилди вә буниңға қаттиқ наразилиқ билдүрди.

Франсийә агентлиқиниң баян қилишичә, хитай йеза игилик министирлиқиниң баянатчиси мав чуән бүгүнки баянатида 'бу, мәқсәтлик һалда тоқулған еғва вә дөлитимизниң образини булғиғанлиқ' , дәп наразилиқ билдүрди. У баянатида йәнә, 'гәрчә дөлитимизниң шимал тәрәплиридә бир қисим оқуғучиларда B типлиқ зукамға охшап кетидиған кесәллик аламәтлири көрүлгән болсиму, әмма бу адәттки зукам' , 'биз һазир чошқа зуками тарқалған америка, мекиска қатарлиқ дөләтләрниң A/H1N1 бәлгилик чошқа зукамини тез биртәрәп қилишиға ярдәмлишиватимиз' дәп җакарлиди.
 
Хәвәрдә баян қилинишичә, 2007 ‏ - йили хитайниң йеза игилик министиирлиқи көк қолақ чошқида кесәллик байқалди дәп җакарлап 80 миң чошқини вә йәнә башқа һайванатлардин 235 миңни өлтүргән иди.


Пикирләр (0)
Share
Толуқ бәт