Еквадор викиликис қурғучиси җулян ассангени сиясий панаһланғучи дәп қобул қилди

Америкиниң мәхпий дипломатийилик хәт-чәклирини ашкарилаш билән тонулған викиликис ториниң қурғучиси ассанге 2 айдин бери еквадорниң әнглийидики әлчиханисида сақлинип ятқандин кейин, еквадор бүгүн ассангени сиясий панаһланғучи дәп қобул қилған.
Мухбиримиз ирадә
2012-08-16
Елхәт
Пикир
Share
Принт

Әнглийә вә шветсийә бүгүн еквадорниң қараридин қаттиқ нарази болди. Әнглийә даирилири ассангениң шветсийидә җинайи җавабкарлиққа тартиливатқан киши икәнликини, униң еквадорға кетишигә йол қоймайдиғанлиқини билдүрди.

Әмма, еквадор мустәқил дөләт болған еквадорниң әнглийидин рухсәт алидиған мәҗбурийити йоқлуқини, әнглийиниң ассангени еквадорға йөткәшкә тосқунлуқ қилалмайдиғанлиқини ейтти.

Америка болса америкилиқ дипломатларниң мәхпий хәт алақилирини ашкариливәткән җулиян ассангеиниң сотлинишини үмид қилмақта. Америкиниң дипломатийә саһәсидики 250 миң парчә мәхпий һөҗҗитини ашкариливәткән викиликис тори ашкарилиған һөҗҗәтләр ичидә америкилиқ дипломатларниң уйғурлар һәққидики нурғун хәт-чәклириму бар иди. Ашкариланған материяллар ичидә гүәнтанамодики уйғур тутқунлири, хитайниң 5-июл вәқәсигә алақидар бәзи учурлар шундақла хитайниң уйғур ели вәзийити һәққидики мәйдани қатарлиқлар көзгә алаһидә челиқиду.

Пикирләр (0)
Share
Толуқ бәт