Ékwador wikilikis qurghuchisi julyan assan'géni siyasiy panahlan'ghuchi dep qobul qildi

Amérikining mexpiy diplomatiyilik xet-cheklirini ashkarilash bilen tonulghan wikilikis torining qurghuchisi assan'gé 2 aydin béri ékwadorning en'gliyidiki elchixanisida saqlinip yatqandin kéyin, ékwador bügün assan'géni siyasiy panahlan'ghuchi dep qobul qilghan.
Muxbirimiz irade
2012-08-16
Élxet
Pikir
Share
Print

En'gliye we shwétsiye bügün ékwadorning qararidin qattiq narazi boldi. En'gliye da'iriliri assan'géning shwétsiyide jinayi jawabkarliqqa tartiliwatqan kishi ikenlikini, uning ékwadorgha kétishige yol qoymaydighanliqini bildürdi.

Emma, ékwador musteqil dölet bolghan ékwadorning en'gliyidin ruxset alidighan mejburiyiti yoqluqini, en'gliyining assan'géni ékwadorgha yötkeshke tosqunluq qilalmaydighanliqini éytti.

Amérika bolsa amérikiliq diplomatlarning mexpiy xet alaqilirini ashkariliwetken juliyan assan'géining sotlinishini ümid qilmaqta. Amérikining diplomatiye sahesidiki 250 ming parche mexpiy höjjitini ashkariliwetken wikilikis tori ashkarilighan höjjetler ichide amérikiliq diplomatlarning Uyghurlar heqqidiki nurghun xet-cheklirimu bar idi. Ashkarilan'ghan matériyallar ichide güentanamodiki Uyghur tutqunliri, xitayning 5-iyul weqesige alaqidar bezi uchurlar shundaqla xitayning Uyghur éli weziyiti heqqidiki meydani qatarliqlar közge alahide chéliqidu.

Toluq bet