Xelq'ara kechürüm teshkilati xitayni jenubiy sudan'gha qoral sétip bérishni toxtitishqa chaqirdi

Bügün xelq'ara kechürüm teshkilati bayanat élan qilip, xitayni jenubiy sudandiki urush qiliwatqan tereplerni qoral bilen teminlesh arqiliq bigunah puqralarning ölümige yol échish bilen eyiblidi.
Muxbirimiz irade
2012-06-28
Élxet
Pikir
Share
Print

Kechürüm teshkilatining éytishiche, asasliq xitay, ukra'iniye we sudandin import qilinidighan bu qorallar urushning ulghiyishini keltürüp chiqarmaqta. Her yili qoralliq toqunush sewebidin ölüwatqan yaki sergerdan bolup kétiwatqanlarning sani éship barmaqta.

Xelq'ara kechürüm teshkilati afriqa ishliri diréktori érwin wander yuqiridiki dölet hökümetlirini agahlandurup "Bu dölet hökümetliri jenubiy sudandiki qoralliq küchlerni insaniyetke we xelq'ara qanunlargha qarshi ishlitiliwatqan qorallar bilen teminleshni toxtitishi kérek" dédi.

Aldimizdiki düshenbe küni nyuyorkta échilidighan "Xelq'ara qoral-yaraq soda ehdinamisi" yighini bashlinishtin burun, herqaysi kishilik hoquq organliri xitaygha qaratqan tenqidini kücheytti. Ular xelq'arada qoral-yaraq sodisini bashqurushni kücheytish, men'i qilinidighan qorallar sanini ashurush meqset qilin'ghan mezkur yighinni xitaygha oxshash qoral satquchi döletlerni tizginleydighan yaxshi bir purset dep qarimaqta.

Toluq bet