'Шинҗаң сөһбәт йиғини' иқтисади гүллиниш арқилиқ етник муқимлиқни сақлашни оттуриға қойди

"Хәлқ гезити" җүмә күни хәвәр елан қилип, хитай мәркизи комитети вә дөләт ишлар кабинетиниң алдинқи күни ахирлашқан "шинҗаң сөһбәт йиғини" уйғур елидә иқтисади гүллиниш арқилиқ етник муқимлиқни сақлашни оттуриға қойғанлиқини билдүрди.
Мухбиримиз әркин
2010-05-21
Елхәт
Пикир
Share
Принт

Ху җинтав йиғинда даириләрни уйғур елиниң асаси әслиһә, кеңийиш иқтидари, милләтләр иттипақлиқи вә җәмийәт муқимлиқини 5 йил ичидә көрүнәрлик өстүрүшкә чақирған.

"Хәлқ гезити"ниң бу һәқтики хәвиридә ху җинтавниң йәнә районда "бөлгүнчилик һәрикити йәнила мәвҗут... Җәмийәт муқимлиқини сақлаш вә тәрәққиятни тез алға сүрүш алдинқи орунда туридиған қош вәзипә" дегәнликини әскәртти.

Шинхуа агентлиқиниң "нәзәр" һәптилик жорнили йеқинда уйғурларниң турмуш шараитини өстүрүш пилани "бөлгүнчилик, сиңип кириш вә террорлуққа қарши туруш"ниң қорали икәнликини илгири сүргән. Лекин хитай мәтбуатлириниң йиғин тоғрисидики хәвәрлиридә һоқуқ хәнзуларниң чаңгилидики "шинҗаң" да мәркәзниң тәрәққият пиланидин уйғурларни қандақ бәһриман қилидиғанлиқини чүшәндүрмигән.

Пикирләр (0)
Share
Толуқ бәт