'Shinjang söhbet yighini' iqtisadi güllinish arqiliq étnik muqimliqni saqlashni otturigha qoydi

"Xelq géziti" jüme küni xewer élan qilip, xitay merkizi komitéti we dölet ishlar kabinétining aldinqi küni axirlashqan "shinjang söhbet yighini" Uyghur élide iqtisadi güllinish arqiliq étnik muqimliqni saqlashni otturigha qoyghanliqini bildürdi.
Muxbirimiz erkin
2010-05-21
Élxet
Pikir
Share
Print

Xu jintaw yighinda da'irilerni Uyghur élining asasi eslihe, kéngiyish iqtidari, milletler ittipaqliqi we jem'iyet muqimliqini 5 yil ichide körünerlik östürüshke chaqirghan.

"Xelq géziti"ning bu heqtiki xewiride xu jintawning yene rayonda "bölgünchilik herikiti yenila mewjut... Jem'iyet muqimliqini saqlash we tereqqiyatni téz algha sürüsh aldinqi orunda turidighan qosh wezipe" dégenlikini eskertti.

Shinxu'a agéntliqining "nezer" heptilik zhornili yéqinda Uyghurlarning turmush shara'itini östürüsh pilani "bölgünchilik, singip kirish we térrorluqqa qarshi turush"ning qorali ikenlikini ilgiri sürgen. Lékin xitay metbu'atlirining yighin toghrisidiki xewerliride hoquq xenzularning changgilidiki "shinjang" da merkezning tereqqiyat pilanidin Uyghurlarni qandaq behriman qilidighanliqini chüshendürmigen.

Toluq bet