Хитай өткән йили йоқап кәткән адвокат гавҗишеңниң 'шинҗаңда хизмәт қиливатқанлиқи'ни билдүрди

Америкиниң калифорнийә штатиға җайлашқан хитайдики кишилик һоқуқ вәзийитигә көңүл бөлидиған "диалог" фондиниң елан қилишичә, улар хитай һөкүмитидин сүрүштүрүш арқилиқ, бир йилниң алдида ғайип болуп, из - дерики болмиған, һоқуқ қоғдиғучиси, адвокат гавҗишеңниң һазир шинҗаңда хизмәт қиливатқанлиқини билгән.
Мухбиримиз үмүдвар
2010-02-14
Елхәт
Пикир
Share
Принт

Б б с агентлиқиниң хәвәр қилишичә, мәзкур тәшкилатниң мәсули бу учурни хитайниң америкидики әлчиханисиниң тәминлигәнликини, бирақ гав җишеңниң қандақ болуп "шинҗаңға берип хизмәт қилип қалғанлиқи" һәм қачандин бери шу йәрдә икәнликигә аит түрлүк соалларниң мәвҗутлуқини билдүргән.

Адвокат гавҗишеңниң йоқап кетиши мәсилисигә хәлқара җәмийәт көңүл бөлгән болуп, вәқәдин кейин униң аилә тавиабати, вәтинидин қечип чиқип, америкида сиясий панаһлиқ тилигән икән. Нәтиҗидә, бир йил өткәндин кейин гавҗишеңниң "шинҗаңда хизмәт қиливатқанлиқи" мәлум қилинған.

Гавҗишең илгири хитайдики йәр асти християн дини җәмийәтлири вә фалунгоңчиларниң мәсилисигә көңүл бөлүп, уларниң һоқуқлирини һимайә қилған болуп, у өзиниң 2007 - йили сақчилар тәрипидин тутулуп, қаттиқ қийнашқа учриғанлиқи һәққидә баянат елан қилған иди.

Гавҗишең йәнә 2006 - йили чәтәл тор бәтлиридә 9 парчә мақалә елан қилип, "ағдурмичилиқ қилди" дәп әйиблинип, тутқун қилинған икән. У, өткән йили 2 - айда шәнши өлкисидики өйидин ғайип болған. Сақчи даирилири униң әһвали һәққидә мәлумат беришни рәт қилған. Америка вә явропа иттипақиму хитай һөкүмитидин гавҗишеңниң мәсилисигә көңүл бөлүшни тәләп қилған.


Пикирләр (0)
Share
Толуқ бәт