Xitay ötken yili yoqap ketken adwokat gawjishéngning 'shinjangda xizmet qiliwatqanliqi'ni bildürdi

Amérikining kaliforniye shtatigha jaylashqan xitaydiki kishilik hoquq weziyitige köngül bölidighan "di'alog" fondining élan qilishiche, ular xitay hökümitidin sürüshtürüsh arqiliq, bir yilning aldida ghayip bolup, iz - dériki bolmighan, hoquq qoghdighuchisi, adwokat gawjishéngning hazir shinjangda xizmet qiliwatqanliqini bilgen.
Muxbirimiz ümüdwar
2010-02-14
Élxet
Pikir
Share
Print

B b s agéntliqining xewer qilishiche, mezkur teshkilatning mes'uli bu uchurni xitayning amérikidiki elchixanisining teminligenlikini, biraq gaw jishéngning qandaq bolup "shinjanggha bérip xizmet qilip qalghanliqi" hem qachandin béri shu yerde ikenlikige a'it türlük so'allarning mewjutluqini bildürgen.

Adwokat gawjishéngning yoqap kétishi mesilisige xelq'ara jem'iyet köngül bölgen bolup, weqedin kéyin uning a'ile tawi'abati, wetinidin qéchip chiqip, amérikida siyasiy panahliq tiligen iken. Netijide, bir yil ötkendin kéyin gawjishéngning "shinjangda xizmet qiliwatqanliqi" melum qilin'ghan.

Gawjishéng ilgiri xitaydiki yer asti xristiyan dini jem'iyetliri we falun'gongchilarning mesilisige köngül bölüp, ularning hoquqlirini himaye qilghan bolup, u özining 2007 - yili saqchilar teripidin tutulup, qattiq qiynashqa uchrighanliqi heqqide bayanat élan qilghan idi.

Gawjishéng yene 2006 - yili chet'el tor betliride 9 parche maqale élan qilip, "aghdurmichiliq qildi" dep eyiblinip, tutqun qilin'ghan iken. U, ötken yili 2 - ayda shenshi ölkisidiki öyidin ghayip bolghan. Saqchi da'iriliri uning ehwali heqqide melumat bérishni ret qilghan. Amérika we yawropa ittipaqimu xitay hökümitidin gawjishéngning mesilisige köngül bölüshni telep qilghan.


Toluq bet