Xitay, 'aq tashliq kitabi'da 5 - iyul weqesining iqtisadqa tesir körsetkenlikini élan qildi

Xitay da'iriliri bu yil iyuldiki ürümchi namayishining Uyghur élide iqtisadiy tereqqiyat qedimini aqsitip qoyghanliqini ilgiri sürdi. Roytérs agéntliqida körsitilishiche, xitay hökümiti bu heqtiki xewerni düshenbe küni élan qilghan aq tashliq kitabida otturigha qoyghan.
Muxbirimiz jüme
2009-09-21
Élxet
Pikir
Share
Print

Aq tashliq kitabta mundaq déyilgen: " sherqiy türkistan küchliri shinjangning iqtisadiy tereqqiyatini éghir derijide zerbige uchratti. Ular meblegh sélishi muhitini ajizlashturup, netijide, bashqa rayonlardin kélidighan mebleghni körünerlik derijide azaytti."

Xitay hökümiti Uyghur élide iqtisadiy tereqqiyatini ilgiri sürgenliki, bu xil tereqqiyatlardin Uyghurlarningmu behrimen bolup kéliwatqanliqini tekitlep kéliwatqan idi.

Halbuki, roytérsta tenqidchilerning éytqanliridin neqil élip körsitishiche, xitay hökümiti Uyghur élige salghan mebleghler Uyghurlargha menpe'et élip kelmigen. Bu xildiki tengpungsizliq milliy öchmenlikini keltürüp chiqarghan.
Melum bolushiche, Uyghur élidiki déhqanlarning yilliq kirimi 3503 yü'en etrapida bolup, xitayning bashqa jaylirida puqralarning yilliq kirimi 4761 yü'endin 11 ming 440 yü'en etrapighiche iken.

Toluq bet