Хитай әйдиз әһвали һәққидә мәлумат елан қилди

"Дуня әйдиз күни" йетип келиш алдида хитай сәһийә министирлиқи елан қилған һөкүмәт доклатиға қариғанда, хитайда әйдиз вируси билән юқумланғучилар сани 319 миң 877 гә, һазирғичә бу кесәлликтә өлгүчиләр сани 68 миң 315 кә йәткән.
Мухбиримиз җүмә
2010-11-29
Елхәт
Пикир
Share
Принт

Доклатта көрситишичә, мәзкур сан 1985- йилидин, бу йил өктәбирниң ахириғичә болған арилиқта өлгәнләрниң омумий сани икән.

Доклатта адәмниң диққитини алаһидә җәлп қилидиған бир нуқта болса, хитайда 2009- йили өктәбирниң ахирида өлгүчиләр сани 49 миң 845 дәп елан қилинған болуп, 2010 йили ичидә өлгүчиләр сани 68 миң 315 кә йәткән вә пәқәт йил ичидила өлгән адәм сани бирақла 20 миңға йеқинлашқан.

Доклатта немә үчүн өткән бир йил ичидә өлгүчиләр саниниң шунчә тиз өрлигәнлики чүшәндүрүлмигән.

Мәлум болушичә, хитай сәһийә министирлиқниң илгирики пәрәзлиригә қариғанда, хитайда әнгә елинмиған яки ашкариланмиған әйдиз юқумдарлириниң омумий сани 740 миңға йетиши мумкин икән.

Уйғур елиму әйдиз тиз тариливатқан районларниң бири болуп, хитай даирилири уйғур елидә бу кесәллик билән юқумланғучилар саниниң 32 миңдин ашидиғанлиқини хәвәр қилған иди.

Пикирләр (0)
Share
Толуқ бәт