Xitay eydiz ehwali heqqide melumat élan qildi

"Dunya eydiz küni" yétip kélish aldida xitay sehiye ministirliqi élan qilghan hökümet doklatigha qarighanda, xitayda eydiz wirusi bilen yuqumlan'ghuchilar sani 319 ming 877 ge, hazirghiche bu késellikte ölgüchiler sani 68 ming 315 ke yetken.
Muxbirimiz jüme
2010-11-29
Élxet
Pikir
Share
Print

Doklatta körsitishiche, mezkur san 1985- yilidin, bu yil öktebirning axirighiche bolghan ariliqta ölgenlerning omumiy sani iken.

Doklatta ademning diqqitini alahide jelp qilidighan bir nuqta bolsa, xitayda 2009- yili öktebirning axirida ölgüchiler sani 49 ming 845 dep élan qilin'ghan bolup, 2010 yili ichide ölgüchiler sani 68 ming 315 ke yetken we peqet yil ichidila ölgen adem sani biraqla 20 minggha yéqinlashqan.

Doklatta néme üchün ötken bir yil ichide ölgüchiler sanining shunche tiz örligenliki chüshendürülmigen.

Melum bolushiche, xitay sehiye ministirliqning ilgiriki perezlirige qarighanda, xitayda en'ge élinmighan yaki ashkarilanmighan eydiz yuqumdarlirining omumiy sani 740 minggha yétishi mumkin iken.

Uyghur élimu eydiz tiz tariliwatqan rayonlarning biri bolup, xitay da'iriliri Uyghur élide bu késellik bilen yuqumlan'ghuchilar sanining 32 mingdin ashidighanliqini xewer qilghan idi.

Toluq bet