Хитай билән һиндистан террорлуққа қарши маневир елип барди

Хитай билән һиндистанниң 6 ‏ - декабир күни башлинип 14 ‏ - декабирға қәдәр давамлишидиған террорлуққа қарши бирләшмә маневири ахирқи басқучқа киргән.
Мухбиримиз әркин
2008-12-12
Елхәт
Пикир
Share
Принт

Һиндистанниң карнатака штатида елип бериливатқан маневирға хитай тәрәптин 137 киши қатнашмақта. Хитай хәлқ азадлиқ армийисиниң муавин штаб башлиқи ма шавтйән башчилиқидики бир хитай һәрбий вәкилләр өмики маневирниң пәйшәнбә күни башланған 3 ‏ - басқучини күздин кәчүрүш үчүн карнатака штатиға кәлгән.

Бу қетимқи маневирға һәр бир тәрәптин бир рота һәрбий қисим қатнашқан болуп, маневирниң 3 ‏ - басқучиниң нишани мәлум бир йезини игиливалған "террорчилар"ни йоқитиштур.
 
Бу қетимқи бирләшмә һәрбий маневир һиндистанниң мумбай шәһири 26 ‏ - ноябир күни пакистанни база қилған қораллиқ гуруһларниң террорлуқ һуҗумиға учриғандин кейин елип берилмақта.

Анализчилар, хитай қошна әлләр билән елип барған бу түрдики бирләшмә һәрбий маневирлириниң тиғ учини даим шәрқий түркистан күчлиригә қаритидиғанлиқини, хитайниң мумбайдики вәқә һиндистанни шәрқий түркистан күчлиригә қарши хитай билән һәмкарлишишқа қайил қилишниң яхши пурсити, дәп қарайдиғанлиқини билдүрмәктә. Һиндистан мумбайдики вәқә пакистанни база қилған җамаәт - уд дава тәшкилати тәрипидин пиланланғанлиқини елан қилди.

 Лекин америка, әнгилийә, франсийә бу йил 2 ‏ - ай вә 6 ‏ - айда икки қетим б д т хәвпсизлик кеңишидин җамаәт - уд давани террорлуқ тәшкилатлар тизимликигә елишни тәләп қилған. Лекин бу тәләп хитайниң қарши туруши билән әмәлгә ашмиған иди. Бу қетимқи хитай - һиндистан террорлуққа қарши бирләшмә маневирға " қолға‏ - қол" дәп нам берилгән.


Пикирләр (0)
Share
Толуқ бәт