Xitay ichkirige kélip ishligüchi we tijaret qilghuchilar mesilisi' boyiche xizmet yighini achti

Xitay merkiziy hökümiti 20 - iyun küni sichüen ölkisining chéngdu shehiride mexsus "shinjangdiki her millet ammisining ichkirige kélip ishlesh we soda qilish mesilisi" boyiche xizmet yighini achqan bolup, shinxu'a agéntliqining xewer qilishiche, mezkur xizmet yighinida xitay merkiziy siyasiy qanun komitétining mu'awin sékrétari, siyasiy byuro ezasi wang léchüen söz qilghan.
Muxbirimiz ümidwar
2010-06-20
Élxet
Pikir
Share
Print

Gerche, mezkur xewerde bu yighin'gha yene qaysi rehbiriy shexslerning qatnashqanliqi éytilmisimu, biraq wang léchüenning sözi birqeder tepsiliy tonushturulghan.

Wang léchüen sözide, "her qaysi jaylardiki munasiwetlik orunlarning ichkirige kélip ishlewatqan we tijaret qiliwatqan shinjangliq her millet ammisining arisigha chongqur chöküp, ularning xizmet we turmush ehwalini chüshinip, pütün imkaniyet bilen ularning turalghu jay, xizmetke orunlishish, perzentlirining mektepke kirish, késel körsitish qatarliq tereplerdiki qiyinchiliqliri hem mesililirini hel qilishqa yardem bérish" lazimliqini tekitligen.

U yene Uyghur élidin ichkiri ishleshke we tijaretke kelgenler bilen ular turiwatqan jaylardiki ahalilarning "ittipaqliqini kücheytish", "öz - ara inaqliqni emelge ashurush," "her xil ziddiyetlerni bix halitide we asas qatlamda hel qilish" lazimliqini tekitligen.

Wang léchüen sözide, "ziddiyet" atalghusini ishlitish arqiliq türlük ziddiyetning heqiqeten mewjutluqini étirap qilghan bolup, ichkirige barghan Uyghurlargha yataq bermeslik, balilirini mektepke qobul qilmasliq we yeklesh, ularning turmush örp - adetlirige hörmet qilmasliq, jismaniy zerbe bérish shuningdek yene saqchilarning Uyghurlarni xalighanche tutqun qilish we jazalash hetta xitay puqralirining tor betliri arqiliq Uyghurlarni xalighanche haqaret qilish qilmishliri uzundin buyan türlük ghulghulilarni qozghap kelgen idi. Ötken yilidiki shawgüen weqesining bu xil ziddiyetlerning partlishi ikenliki bildürülmekte.
 
 
Toluq bet