Хитай твитер, скайпе қатарлиқ тор алақисигә қаратқан контроллуқни күчәйтмәктә

Йеқиндин буян хитай даирилириниң скайпе, твитер қатарлиқ хәлқара аммиви алақә васитилиригә қаратқан назарәтни йәниму күчәйтиши хәлқара мәтбуатларниң диққитини қозғиди.
Мухбиримиз меһрибан
2012-01-31
Елхәт
Пикир
Share
Принт

Ройтерс агентлиқиниң билдүрүшичә, хитай даирилириниң хитайдики кишилик һоқуқ актиплири вә торда әсәр елан қилған язғучиларниң интернет алақилиригә қаратқан назарәтни күчәйтиш һәм кишилик һоқуқ актиплириниң җинайитини бекитиштә, уларниң скайпе вә твитердики синалғу һәм текист учурлирини нуқтилиқ тәкшүрүш обйекти қилғанлиқи мәлум болған.

Ройтерс агентлиқиниң бүгүнки хәвиридә дейилишичә, 31-январ сәйшәнбә күни хаңҗу сот мәһкимиси «дөләт һакимийитини ағдуруш» җинайити билән әйиблигән җу йүфуға җинайәт бекитиштә, җу йүфуниң бултур әтиязда хитайда қозғалған ясимән гүли һәрикити мәзгилидә, язған язмилири һәм башқилар билән скайпеда йезишқан текист алақилиридики өчүрүлмәй қалған учурларни сотта җинайи пакит сүпитидә оттуриға қоюп, буларниң җу йүфуниң «дөләт һакимийитини ағдурушқа қутратқулуқ қилғанлиқи»ниң пакити икәнликини билдүргән.

Бултурдин буян хитайниң интернет алақилиригә қаратқан контроллуқи техиму күчәйгән. Болупму хитай даирилириниң нуқтилиқ һалда, фәйсбок, твитер, сикайпе қатарлиқларниң хитайдики алақә торини контрол қилип, интернет сақчилириниң шәхсләрниң хәт-алақилирини халиғанчә көрүши кишилик һоқуқ тәшкилатлири тәрипидин әйиблинип кәлмәктә.

Пикирләр (0)
Share
Толуқ бәт