Хитай уйғур елида интернетни қисмән ечиветидиғанлиқини елан қилди

Уйғур районлуқ һөкүмәт ахбарат ишханиси түнүгүн уқтуруш елан қилип уйғур районида интернет вә телифон қатарлиқ учур алақә систимисини қәдәм басқучлуқ һалда ечиветидиғанлиқини билдүрди.
Мухбиримиз шоһрәт һошур
2009-12-29
Елхәт
Пикир
Share
Принт

Уқтурушта, 5 ‏- июл вәқәсидин кейин, вәзийәтни тенҗитиш вә муқимлиқни әслигә кәлтүрүш үчүн, интернет вә телифон қатарлиқ учур алақә систимисға чәклимә қоюлғанлиқи, буниң муқимлиқни қоғдашта наһайити яхши рол ойниғанлиқи; әйни вақитта йәнә бу чәклиминиң районниң ишләпчиқириш вә турмуш ишлириға қолайсизлиқлар елип кәлгәнлики баян қилинған.

Уқтурушта, 28 ‏- декабирдин башлап, бирқсим торларниң ечилидиғанлиқи, қол телифонда текст йоллашқа қисмән йол қоюлидиғанлиқи, қәдәмму-қәдәм узун йоллуқ йәни хәлқаралиқ телифонниң ечилидиғанлиқи билдүрүлгән. Йәнә уқтурушта мәзкур қарарни чиқириш үчүн, районлуқ партком вә һөкүмәтниң җиддий музакирә елип барғанлиқи, мәркәзниң тәстиқини алғанлиқи әскәртилгән.

Хитай һөкүмити интернет вә телифон алақисини 5 ‏- июл вәқәсидә қозғатқуч рол ойниған муһим амиллардин бири дәп қарап кәлгән. Әмма көзәткүчиләр болса, вәқәни асаслиқи хитайниң 60 йиллиқ хата сиясити кәлтүрүп чиқарғанлиқини оттуриға қойған.

Учур-алақә чәклимисини, хитай һөкүмити вәқә чиқишниң алдини елиш үчүн дәп чүшәндүрсә, уйғур тәшкилатлири, райондики бастуруш һәрикәтлирини дунядин йошуруш үчүн дәп көрсәткән иди.

Пикирләр (0)
Share
Толуқ бәт