Xitay Uyghur élida intérnétni qismen échiwétidighanliqini élan qildi

Uyghur rayonluq hökümet axbarat ishxanisi tünügün uqturush élan qilip Uyghur rayonida intérnét we télifon qatarliq uchur alaqe sistimisini qedem basquchluq halda échiwétidighanliqini bildürdi.
Muxbirimiz shohret hoshur
2009-12-29
Élxet
Pikir
Share
Print

Uqturushta, 5 ‏- iyul weqesidin kéyin, weziyetni ténjitish we muqimliqni eslige keltürüsh üchün, intérnét we télifon qatarliq uchur alaqe sistimisgha cheklime qoyulghanliqi, buning muqimliqni qoghdashta nahayiti yaxshi rol oynighanliqi؛ eyni waqitta yene bu cheklimining rayonning ishlepchiqirish we turmush ishlirigha qolaysizliqlar élip kelgenliki bayan qilin'ghan.

Uqturushta, 28 ‏- dékabirdin bashlap, birqsim torlarning échilidighanliqi, qol télifonda tékst yollashqa qismen yol qoyulidighanliqi, qedemmu-qedem uzun yolluq yeni xelq'araliq télifonning échilidighanliqi bildürülgen. Yene uqturushta mezkur qararni chiqirish üchün, rayonluq partkom we hökümetning jiddiy muzakire élip barghanliqi, merkezning testiqini alghanliqi eskertilgen.

Xitay hökümiti intérnét we télifon alaqisini 5 ‏- iyul weqeside qozghatquch rol oynighan muhim amillardin biri dep qarap kelgen. Emma közetküchiler bolsa, weqeni asasliqi xitayning 60 yilliq xata siyasiti keltürüp chiqarghanliqini otturigha qoyghan.

Uchur-alaqe cheklimisini, xitay hökümiti weqe chiqishning aldini élish üchün dep chüshendürse, Uyghur teshkilatliri, rayondiki basturush heriketlirini dunyadin yoshurush üchün dep körsetken idi.

Toluq bet