Хитай җәнубий җуңго деңизиниң тегигә байрақ тиклигәнликини елан қилди

Хитай бүгүн кичик типтики су асти парахоти арқилиқ җәнубий җуңго деңизиниң су астиға дөләт байриқини тиклигәнликини елан қилди.
Мухбиримиз ирадә
2010-08-26
Елхәт
Пикир
Share
Принт

Хитай мәтбуатлири бу һәқтики хәвиридә хитайниң кичик типтики су асти парахотлири 5 - айдин 7 - айғичә 17 қетим деңиз астиға чөкүп, 3759 метир чоңқурлуққа йәтти дәп мәлумат бәргән.

Б б с ниң билдүрүшичә, хитай даирилири гәрчә деңиз астиға байрақ тиклигәнликини елан қилған болсиму, әмма униң җәнубий җуңго деңизиниң зади қайси йөнилишидә икәнлики, буниң игилик һоқуқ талаш - тартиши мәвҗут болған районда яки әмәслики шундақла бу һәқтики хәвәрни немә үчүн елан қилғанлиқи һәққидә һечқандақ изаһат бәрмигән.

Җәнубий җуңго деңизи хитай, малайсия, вейтнам, филиппин вә тәйвән қатарлиқ дөләтләр һәммиси игилик һоқуқи күриши қилип келиватқан деңиз болуп, у һәм муһим қатнаш түгүнлириниң бири икән. Шундақла бу деңизниң тегидә муһим енергийә мәнбәлири болуши мумкин икән.

Йеқинда америка билән хитай арисидиму деңизниң игилик һоқуқи мәсилисидә җиддийлик пәйда болған иди. Б б с ниң ейтишичә, хитайниң бундақ қилиши униң җәнубий җуңго деңиз районида енергийә мәнбәси издәш мусабиқисигә чүшкәнликини көрситидикән.

Толуқ бәт