Xitay jenubiy junggo déngizining tégige bayraq tikligenlikini élan qildi

Xitay bügün kichik tiptiki su asti paraxoti arqiliq jenubiy junggo déngizining su astigha dölet bayriqini tikligenlikini élan qildi.
Muxbirimiz irade
2010-08-26
Élxet
Pikir
Share
Print

Xitay metbu'atliri bu heqtiki xewiride xitayning kichik tiptiki su asti paraxotliri 5 - aydin 7 - ayghiche 17 qétim déngiz astigha chöküp, 3759 métir chongqurluqqa yetti dep melumat bergen.

B b s ning bildürüshiche, xitay da'iriliri gerche déngiz astigha bayraq tikligenlikini élan qilghan bolsimu, emma uning jenubiy junggo déngizining zadi qaysi yönilishide ikenliki, buning igilik hoquq talash - tartishi mewjut bolghan rayonda yaki emesliki shundaqla bu heqtiki xewerni néme üchün élan qilghanliqi heqqide héchqandaq izahat bermigen.

Jenubiy junggo déngizi xitay, malaysiya, wéytnam, filippin we teywen qatarliq döletler hemmisi igilik hoquqi kürishi qilip kéliwatqan déngiz bolup, u hem muhim qatnash tügünlirining biri iken. Shundaqla bu déngizning tégide muhim énérgiye menbeliri bolushi mumkin iken.

Yéqinda amérika bilen xitay arisidimu déngizning igilik hoquqi mesiliside jiddiylik peyda bolghan idi. B b s ning éytishiche, xitayning bundaq qilishi uning jenubiy junggo déngiz rayonida énérgiye menbesi izdesh musabiqisige chüshkenlikini körsitidiken.

Toluq bet