Хитай камбоджаға 14 милйон долларлиқ һәрбий ярдәм бериду

Б б с агентлиқиниң японийә агентлиқлиридин нәқил елип хәвәр қилишичә, хитай камбоджани 14 милйон америка доллири қиммитидә һәрбий ярдәм билән тәминләшкә вәдә бәргән.
Мухбиримиз үмүдвар
2010-05-02
Елхәт
Пикир
Share
Принт

Бу хәвәрни камбодҗа муавин ташқи ишлар министири һәм муавин баш министири хонанхоң хитайни зиярәт қилип қайтип кәлгәндин кейин ашкарилиған.

Униң ашкарилишичә, камбодҗа баш министири хуңсин хитай рәиси ху җинтав билән көрүшкәндә, хуҗинтав униңға хитай һөкүмитиниң камбодҗани 256 данә һәрбий аптомобил, 50 миң қур һәрбий кийим билән тәминләйдиғанлиқини билдүргән.

Ху җинтав билән хуңсин 1 - майда көрүшкән икән.

Бир нәпәр юқири дәриҗилик камбодҗа әмәлдари хитайниң мәзкур ярдәмлириниң америкиниң камбодҗаға бәрмәкчи болған ярдәмлирини тохтитиветишиниң орнини толдуруш болидиғанлиқини әскәрткән.

Өткән йили, 12 - айда камбодҗа һөкүмити америка вә бирләшкән дөләтләр тәшкилати мусапирлар идарисиниң қаршилиқиға қаримай, шу йәрдә панаһлиниватқан 20 нәпәр уйғурни хитайға қайтуруп бәргәндин кейин, америка һөкүмити буниңдин қаттиқ нарази болған иди. Чүнки, бу вақитта хитай муавин дөләт рәиси ши җинпиң камбодҗани зиярәт қилип, камбодҗа билән хитай арисида бир милярд долларлиқ келишим түзүлгән. Америка һөкүмити камбодҗаниң 20 уйғурни хитайға өткүзүп бәргәнликини қаттиқ әйиблигән.

Буниңдин бир ай илгири камбодҗаға беридиған һәрбий ярдимини җүмлидин бикарлиқ бәрмәкчи болған 200 һәрбий аптомобилни тохтитивәткән. Бу камбодҗа даирилирини биарам қилған иди.

Пикирләр (0)
Share
Толуқ бәт