Xitay kambodzhagha 14 milyon dollarliq herbiy yardem béridu

B b s agéntliqining yaponiye agéntliqliridin neqil élip xewer qilishiche, xitay kambodzhani 14 milyon amérika dolliri qimmitide herbiy yardem bilen teminleshke wede bergen.
Muxbirimiz ümüdwar
2010-05-02
Élxet
Pikir
Share
Print

Bu xewerni kambodja mu'awin tashqi ishlar ministiri hem mu'awin bash ministiri xonanxong xitayni ziyaret qilip qaytip kelgendin kéyin ashkarilighan.

Uning ashkarilishiche, kambodja bash ministiri xungsin xitay re'isi xu jintaw bilen körüshkende, xujintaw uninggha xitay hökümitining kambodjani 256 dane herbiy aptomobil, 50 ming qur herbiy kiyim bilen teminleydighanliqini bildürgen.

Xu jintaw bilen xungsin 1 - mayda körüshken iken.

Bir neper yuqiri derijilik kambodja emeldari xitayning mezkur yardemlirining amérikining kambodjagha bermekchi bolghan yardemlirini toxtitiwétishining ornini toldurush bolidighanliqini eskertken.

Ötken yili, 12 - ayda kambodja hökümiti amérika we birleshken döletler teshkilati musapirlar idarisining qarshiliqigha qarimay, shu yerde panahliniwatqan 20 neper Uyghurni xitaygha qayturup bergendin kéyin, amérika hökümiti buningdin qattiq narazi bolghan idi. Chünki, bu waqitta xitay mu'awin dölet re'isi shi jinping kambodjani ziyaret qilip, kambodja bilen xitay arisida bir milyard dollarliq kélishim tüzülgen. Amérika hökümiti kambodjaning 20 Uyghurni xitaygha ötküzüp bergenlikini qattiq eyibligen.

Buningdin bir ay ilgiri kambodjagha béridighan herbiy yardimini jümlidin bikarliq bermekchi bolghan 200 herbiy aptomobilni toxtitiwetken. Bu kambodja da'irilirini bi'aram qilghan idi.

Toluq bet