Rim papasining yéngi yilda éytqan wezi xitayni bi'aram qildi

Xitay bilen watikan arisidiki munasiwetler, yéqinqi yillardin béri, xitayning atalmish wetenperwer diniy zat yétishtürüsh we katolik chérkawlirini wetenperwer katolik diniy zatlirining qoligha ötküzüsh tirishchanliqi sewebidin bezide renjishish we bezide yiriklishish jeryanini bashtin kechürmekte.
Muxbirimiz shöhret hoshur
2010-12-29
Élxet
Pikir
Share
Print

Bu sewebtin xitaydiki katolik chérkawliri hökümetke béqin'ghuchi chérkawlar we yer asti chérkawlar bolup ikki guruppigha ayrilishqa bashlighan. Xitay yéqinqi aylardin béri hökümetke béqinidighan chérkaw we diniy zatlarni yölesh meqsitide, katoliklarning diniy pa'aliyetlirige yenimu ilgirilep qol tiqishqa urun'ghanliqi üchün, bu xitay ichi-sirtidiki katoliklarning naraziliqini qozghighan.

Rim papasi benedik xwi, aldinqi küni yéngi yil nutqi sözligende, xitaydiki katolik jama'itige xitab qilip, ularni diniy cheklimiler aldida bel qoyuwetmeslikke we ümidsizlenmeslikke chaqirghan. Bu chaqiriq xitay da'irilirini qattiq bi'aram qilghan bolup, xitay tashqi ishlar bayanatchisi tünügün watikanni agahlandurup mundaq dégen: " biz watikanning, junggodiki katolikler érishken erkinliklerni tonup yétishini we junggo-watikan munasiwetlirining ilgirilishige paydiliq konkrét qedem bésishini ümid qilimiz."

Közetküchilerning qarishiche, watikan xitaydiki katoliklardin diniy ibadetlirini xitayning qol tiqishi we yolyoruqliridin xaliy halda, sap rohaniy muhitta élip bérishini telep qilmaqta. Xitay hökümiti bolsa, xitaydiki katoliklarning xitay dölitidin bekrek, watikan'gha sadiq bolup kétishini dölet menpe'etliri üchün tehdit dep qarimaqta.

Toluq bet