Xitay siyasiy permanlirini biwaste tarqitidighan yéngi yanfon tori qurdi

Xitay merkizi hökümiti 2009 - yili 9‏ - aydin bashlap 3G yanfon uchur tori dégen yéngi téléfon séstimisini yolgha qoyghan idi. Xongkongda chiqidighan 'mingpaw géziti'ning bayan qilishiche, xitay merkizi hökümiti yéngi qurghan yanfon uchur tori hazirqi ilghar tipliq 3G yanfon qollinidiken.
Muxbirimiz weli
2010-01-06
Élxet
Pikir
Share
Print

Xitay kommunist partiye merkizi komitétining teshkilat ministirliqi biwaste bashquridighan bu yanfon uchur séstimisigha, kommunist partiyining xitaydiki ölke partkomidin mehelle yachékilirighiche bolghan bir milyon sékritar we aliy mektep oqughuchilar jem'iyiti bashliqlirining ismi we tepsiliy uchurliri kirgüzülgen. Bu séstima ulardin qolidiki yanfonni her waqit toxtitip qoymasliqini shert qilip belgiligen.

Xewerde éytilishiche, xitay özining siyaset we belgilimilirini asasi qatlam teshkilatlirigha biwaste anglitip turush, ular bilen bolghan alaqini her waqit üzüp qoymasliq, téximu muhimi kommunist partiye ichide bölünüsh yüz bérishning aldini élishni meqset qilghan bu tedbirning netijiside, her qaysi jaylar hökümet maliyisidin pul serp qilip, emeldarlargha we partiye ezalirigha qimmet bahaliq ilghar yanfon sétiwélip teqsimlep bérishke bashlighan.

Xelq hazir xitaygha yéngidin import qilin'ghan bundaq ilghar tiptliq yanfonlarni 'kommunst yanfoni' dep ataydu.

Xitayning bu yanfon uchur séstimisining we mexsus uningda qollinilidighan yanfonlarning ijadiyet hoquqi kimge mensup ikenliki namelum. Emma xitay bashliqliri 1980‏ - yillardin bashlapla, amérika prézidénti aldinqi septiki her qandaq bir eskiri yaki wezipe bijiriwatqan xadimi bilen yanfonda resimini körüp turup sözliship, biwaste ehwal igilep yaki buyruq béridighanliqini dorashqa hewes qilip kéliwatatti.

Toluq bet