Хитай, америка вә явропани ливийигә қарши урушини тохтитишқа чақирди

Америка вә явропа дөләтлириниң б д т бихәтәрлик кеңишиниң ливийидә учуш чәкләнгән район бәрпа қилиш қарариға асасән елип бериватқан әскирий һәрикәтлири давамлашмақта.
Мухбиримиз шөһрәт һошур
2011-03-22
Елхәт
Пикир
Share
Принт

Әскирий һәрикәт 3 ‏-күнигә қәдәм қойғанда хитай, һиндистан, бразилийә вә шималий корийә қатарлиқ дөләтләр америка вә явропа дөләтлирини уруш тохтитишқа чақирди.

Хитайниң ташқи ишлар баянатчиси, бүгүнки ахбарат елан қилиш йиғинида «урушни дәрһал тохтитип, мәсилиниң тәрәпләр арисида тинч шәкилдә һәл қилиниши керәк» ликини билдүрди. Хитай баянатчи давам қиливатқан һуҗумларда пуқраларниңму зиян-зәхмәткә учраватқанлиқини әскәртти.

Хитай узун йиллардин бери хәлқара мәсилиләрдә дөләтләрниң ички ишиға арилашмаслиқ шоарини тәкитләп кәлгән болсиму, б д т бихәтәрлик кеңишиниң ливийә һәққидә ачқан җүмә күнки йиғинда аваз бериш һоқуқидин ваз кәчкән; буниң билән франсийиниң башчилиқида сунулған қарар лайиһиси мувәппәқийәтлик һалда тәстиқтин өткән иди.

Ливийә мәсилисидә хәлқара җамаәтниң пикригә бойсунушқа мәҗбур болуп қалған хитай һөкүмити өзиниң мәзкур тарихий қарарға қарши турмаслиқ мәйданини әрәб вә африқа дөләтлириниң мәзкур қарарни қоллиғанлиқини сәвәб қилип көрсәткән иди.

Ливийидә әскирий һәрикәт башланғандин буянқи дөләтләрниң инкаслиридин мәлум болушичә, өз дөләтлиридә миллий мәсилә яки иҗтимаий адаләт мәсилиси мәвҗут болған дөләтләрниң америка вә явропа дөләтлириниң казафийға қарши әскирий һәрикәтлиридин биарам болуватқанлиқи мәлум болмақта.

Пикирләр (0)
Share
Толуқ бәт