Xitay, amérika we yawropani liwiyige qarshi urushini toxtitishqa chaqirdi

Amérika we yawropa döletlirining b d t bixeterlik kéngishining liwiyide uchush cheklen'gen rayon berpa qilish qararigha asasen élip bériwatqan eskiriy heriketliri dawamlashmaqta.
Muxbirimiz shöhret hoshur
2011-03-22
Élxet
Pikir
Share
Print

Eskiriy heriket 3 ‏-künige qedem qoyghanda xitay, hindistan, braziliye we shimaliy koriye qatarliq döletler amérika we yawropa döletlirini urush toxtitishqa chaqirdi.

Xitayning tashqi ishlar bayanatchisi, bügünki axbarat élan qilish yighinida "Urushni derhal toxtitip, mesilining terepler arisida tinch shekilde hel qilinishi kérek" likini bildürdi. Xitay bayanatchi dawam qiliwatqan hujumlarda puqralarningmu ziyan-zexmetke uchrawatqanliqini eskertti.

Xitay uzun yillardin béri xelq'ara mesililerde döletlerning ichki ishigha arilashmasliq sho'arini tekitlep kelgen bolsimu, b d t bixeterlik kéngishining liwiye heqqide achqan jüme künki yighinda awaz bérish hoquqidin waz kechken؛ buning bilen fransiyining bashchiliqida sunulghan qarar layihisi muweppeqiyetlik halda testiqtin ötken idi.

Liwiye mesiliside xelq'ara jama'etning pikrige boysunushqa mejbur bolup qalghan xitay hökümiti özining mezkur tarixiy qarargha qarshi turmasliq meydanini ereb we afriqa döletlirining mezkur qararni qollighanliqini seweb qilip körsetken idi.

Liwiyide eskiriy heriket bashlan'ghandin buyanqi döletlerning inkasliridin melum bolushiche, öz döletliride milliy mesile yaki ijtima'iy adalet mesilisi mewjut bolghan döletlerning amérika we yawropa döletlirining kazafiygha qarshi eskiriy heriketliridin bi'aram boluwatqanliqi melum bolmaqta.

Toluq bet