خىتاي نامايىشچىلار ساقچىلار بىلەن توقۇنۇشتى

4 كۈندىن بۇيان يۈننەن ئۆلكىسى سۈيجياڭ ناھىيىسى تەۋەسىدىكى سۇ ئېلېكتر ئىستانسىسى قۇرۇلۇشىغا قارىشى نامايىش قىلىۋاتقان 2 مىڭ ئەتراپىدىكى دېھقان سەيشەنبە كۈنى ساقچىلار بىلەن توقۇنۇشتى.
مۇخبىرىمىز جۈمە
2011-03-30
ئېلخەت
پىكىر
Share
پرىنت

خوڭكوڭغا جايلاشقان خىتايدىكى كىشىلىك ھوقۇق ۋە دېموكراتىيە ئىنفورماتسىيە مەركىزىنىڭ بىلدۈرۈشىچە، توقۇشتا جەمئىي 50 ئادەم يارىلانغان.

مەلۇم بولۇشىچە، يەرلىك دائىرىلەر چاڭجياڭ دەرياسىغا بىر سۇ ئېلېكتر ئىستانسىسى قۇرۇۋاتقان بولۇپ، بۇ ئېلېكتر ئىستانسىسى 2012- يىلى ئىشقا كىرىشتۈرۈلىدىكەن.

ئەگەر، مەزكۇر ئېلېكتر ئىستانسىسى ئىشقا كىرىشتۈرۈلسە، شياڭجيابا توسمىسى ئەتراپىدىن 100 مىڭ ئادەم كۆچۈرۈلىدىكەن.

نۆۋەتتە شياڭجيابا توسمىسى قۇرۇلۇۋاتقان رايونىدىن كۆچۈرۈلىدىغان ئامما، ئۆزلىرىگە بېرىلىدىغان ئۆيلەرنىڭ سۈپىتىدىن نارازى بولۇپ، نامايىش قىلغان.

ھۆكۈمەت دائىرىلىرى نامايىشنى بېسىقتۇرۇشقا قوراللىق ساقچى قىسىم ئەسكەرلىرىنى يۆتكىگەن. توقۇنۇشتا يارىلانغان 50 ئادەمنىڭ 20 نەپىرى ساقچى ئىكەن.

پىكىرلەر (0)
Share
تولۇق بەت