Дуңгүәндики намайишчи ишчилар билән сақчилар арисида тиркишиш йүз бәргән

Хитайниң гуаңдуң өлкиси дуңгүән шәһиридә сақчилар җүмә күни кочиға чиқип намайиш қилмақчи болған мәзкур шәһәрдики бир чамадан завутиниң нәччә йүз ишчисини завут қорусиға соливалған.
Мухбиримиз әркин
2008-12-19
Елхәт
Пикир
Share
Принт

Дуңгүән шәһиридики җйәнруң чамадан завутида йүз бәргән бу вәқә ишчи қисқартиш, начар хизмәт шараити вә мааш қисқартиш қатарлиқ сәвәбләрдин көпийишкә башлиған намайишларниң әң йеңисидур.

Завут ишчилириниң чәтәл ахбарат агентлиқлириға ашкарилишичә, җүмә күни 30 дин артуқ сақчи завутниң алдини қамал қиливалған. Чамадан завутидики намайишқа йетәкчилик қилған ишчилар рәһбәрлиридин җаң гохуа исимлик бириниң бирләшмә агентлиқиға бәргән мәлуматида сақчиларниң 300 дәк ишчини завут қоруси вә ишчилар ятақхана бинасиниң әтрапиға соливелип, җүмә күни әтигәндә кочиға чиқип намайиш қилишидин тосиғанлиқини билдүргән. Униң әскәртишичә, завуттин айрилмақчи болған бәзи ишчилар таяқ йегән, бир аял ишчиниң баш қисими таяқтин ярилинип дохтурханиға елип кетилгән.

Җаң фамилилик юқириқи ишчилар актипи, вәқәниң 15 ‏ - ноябирда башланғанлиқини, кархана рәһбәрлири ишчилар билән мурәссә қилишни рәт қилғандин кейин, ишчиларниң пәйшәнбә күни дуңгүән шәһәрлик һөкүмәт даирилиридин ярдәм сорап барғанлиқи, лекин ярдәм сорап барған ишчиларниң сақчилар тәрипидин таяқ йегәнликини билдүргән.

Униң әскәртишичә, ишчилар пәйшәнбә күни кечичә һөкүмәт бинаси алдида даириләрниң җавабини күтүп ятқан болуп, җүмә күни әтигәндә сақчилар ишчиларни завут қорусиға мәҗбурий қайтуруп кәлгән.

"Җуңго гезити"ниң йеқинда елан қилған бир хәвиридә тәкитлишичә, бу йилниң дәсләпки 9 ейида гуаңдуң өлкисиниң хоңкоң билән чегрилинидиған районлирида 7000 дин артуқ кархана тақалған яки башқа җайға йөткәлгән.

Пикирләр (0)
Share
Толуқ бәт