Мең җйәнҗуниң ярдәмчиси хиянәтчилик сәвәбидин тәкшүрүлгән

Хитай җ х министирлиқиниң министир ярдәмчиси җен шавдуң хиянәтчилик билән әйибләнгән болуп, униң мәсилиси хитай әдлийә органлириниң бир тәрәп қилишиға тапшуруп берилидикән.
Мухбиримиз әркин
2009-12-31
Елхәт
Пикир
Share
Принт

Җен шавдуң бәзи хәвәрләрдә у а р парткоминиң секритари ваң лечүәнниң орниға йөткилидиғанлиқи илгири сүрүлгән хитай җ х министири мең җйәнҗуниң ярдәмчиси иди.

Бу һәқтики хәвәрләрдә, җен шавдуңниң хизмәт орнини сүйиистимал қилип, өз нәпсигә чоғ тарқанлиқи, зор миқдарда пара алғанлиқини, мәркизи даириләрниң рәсмий дило турғузғанлиқи билдүрүлгән. Лекин хәвәрләрдә униң зади қанчилик пара алғанлиқи ашкариланмиди.

Җен шавдуң илгири гуаңдуң өлкилик җ х назарити җинайи ишлар идарисиниң рәһбәрлик вәзиписини өтигән болуп, у 2005 ‏- йили хитай җ х министирлиқиниң министир ярдәмчиликигә өстүрүлгән иди.

Җен шавдуңниң тәкшүрүлүватқанлиқиға даир хәвәр бу йилниң башлирида "малийә - иқтисад" журнилида елан қилинған болуп, хитай мәркизи интизам тәкшүрүш комитетиниң җен шавдуң вә униң қол астидикиләрни йиғивалғанлиқини илгири сүргән иди.

Шинхуа ахбарат агентлиқи пәйшәнбә күни тарқатқан бу һәқтики бир хәвиридә җен шавдуң үстидин рәсмий дило турғузулғанлиқини, униң партийә әзалиқи бикар қилинип, пара алған пули қайтурувелинғанлиқини вә униң мәсилиси әдлийә органлириға тапшуруп берилидиғанлиқини билдүргән.

Җен шавдуңниң пара алғанлиқиға даир бу хәвәр 2009 ‏- йили үрүмчидә "5 - июл вәқәси" йүз берип, уйғур аптоном райони парткоминиң секритари ваң лечүән тәнқидкә учриған, бәзи мәтбуатларда ваң лечүәнниң ичкиригә йөткилип, орниға җ х министири мең җйәнҗуниң келидиғанлиқиға даир хәвәрләр чиққан мәзгилгә тоғра кәлгән иди.

Пикирләр (0)
Share
Толуқ бәт