Méng jyenjuning yardemchisi xiyanetchilik sewebidin tekshürülgen

Xitay j x ministirliqining ministir yardemchisi jén shawdung xiyanetchilik bilen eyiblen'gen bolup, uning mesilisi xitay edliye organlirining bir terep qilishigha tapshurup bérilidiken.
Muxbirimiz erkin
2009-12-31
Élxet
Pikir
Share
Print

Jén shawdung bezi xewerlerde u a r partkomining sékritari wang léchüenning ornigha yötkilidighanliqi ilgiri sürülgen xitay j x ministiri méng jyenjuning yardemchisi idi.

Bu heqtiki xewerlerde, jén shawdungning xizmet ornini süyi'istimal qilip, öz nepsige chogh tarqanliqi, zor miqdarda para alghanliqini, merkizi da'irilerning resmiy dilo turghuzghanliqi bildürülgen. Lékin xewerlerde uning zadi qanchilik para alghanliqi ashkarilanmidi.

Jén shawdung ilgiri gu'angdung ölkilik j x nazariti jinayi ishlar idarisining rehberlik wezipisini ötigen bolup, u 2005 ‏- yili xitay j x ministirliqining ministir yardemchilikige östürülgen idi.

Jén shawdungning tekshürülüwatqanliqigha da'ir xewer bu yilning bashlirida "maliye - iqtisad" zhurnilida élan qilin'ghan bolup, xitay merkizi intizam tekshürüsh komitétining jén shawdung we uning qol astidikilerni yighiwalghanliqini ilgiri sürgen idi.

Shinxu'a axbarat agéntliqi peyshenbe küni tarqatqan bu heqtiki bir xewiride jén shawdung üstidin resmiy dilo turghuzulghanliqini, uning partiye ezaliqi bikar qilinip, para alghan puli qayturuwélin'ghanliqini we uning mesilisi edliye organlirigha tapshurup bérilidighanliqini bildürgen.

Jén shawdungning para alghanliqigha da'ir bu xewer 2009 ‏- yili ürümchide "5 - iyul weqesi" yüz bérip, Uyghur aptonom rayoni partkomining sékritari wang léchüen tenqidke uchrighan, bezi metbu'atlarda wang léchüenning ichkirige yötkilip, ornigha j x ministiri méng jyenjuning kélidighanliqigha da'ir xewerler chiqqan mezgilge toghra kelgen idi.

Toluq bet