Xitay qanun maqullap, torni kontrol qilishni kücheytti

Xelq xelq qurultiyi da'imiy komitéti jüme küni tor kontrolluqini kücheytish toghrisidiki qanun layihisini resmiy maqullidi. Tor abunitlirining heqiqiy ismini ishlitip, tizimgha aldurushi telep qilin'ghan mezkur qanun layihisi jüme kündin bashlap resmiy küchke ige qilindi.
Muxbirimiz erkin
2012-12-28
Élxet
Pikir
Share
Print

Mezkur belgilime xitay tor betliride kompartiye rehberlirining mal-mülkini ashkarilashni telep qilip munazire qozghalghan mezgilde maqullan'ghan. Nöwette, xitaydiki 1000 din artuq ataqliq shexs torda imza qoyush pa'aliyiti qozghap, xitay kompartiyisi siyasiy byurosining 25 neper ezasining mal-mülkini élan qilishni telep qilghan.

Qanun layihisi 11-nöwetlik xitay xelq qurultiyi da'imiy komitétining 30‏-qétimliq yighinida maqullandi. Mezkur komitétning yighini 5 kün dawam qilghan. Mezkur layihini tenqid qilghuchilar uning tor erkinlikini ilgirilep boghup, axbarat erkinlikige buzghunchiliq qilidighanliqini ilgiri sürmekte.

Lékin xitay hökümet da'irilirining ilgiri sürüshiche, bu "Belgilime tor uchur bixeterlikige kapaletlik qilip, puqralarning, qanun orunlirining we bashqa organlarning qanuniy hoquq-menpe'etni qoghdap, dölet bixeterliki we jama'etning ijtima'iy menpe'itige kapaletlik" qilidiken.

Toluq bet