Xitay oqughuchi ju xeyyang adem öltürüsh jinayi bilen eyiblendi

Amérika wirginiye shtatliq sotchiliri mezkur shtatqa jaylashqan téxnologiye uniwérsitéti oqughuchisi ju xeyyangni adem öltürüsh jinayi bilen eyiblidi.
Muxbirimiz jüme
2009-12-21
Élxet
Pikir
Share
Print

Melum bolushiche, wirginiye shtati téxnologiye uniwérsitéti oqughuchisi ju xeyyang yéngidin kelgen shin yang isimlik xitay oqughuchigha ashiq bolup qalghan, emma shin, juning telipini ret qilghan.

Birleshme agéntliqida körsitishiche, ret qilishqa uchrighan ju derdke chidimay shinni öltürüwetken. Düshenbe küni bu heqte élip bérilghan sotta ju adem olturush jinayiti bilen qarilandi we jinayiti ispatlandi.

Xewerde neqil qilinishiche, ju bu yil 20 - yanwar shin'gha telep qoyghan, emma shin özining oghul dosti barliqi, yéqinda toy qilmaqchi bolghanliqini éytqan.

Juning ilgiri türmidin yollighan iqrarnamisida körsitishiche, bu xewerdin azablan'ghan ju 21 - yanwar bazardin 20 santimétir uzunluqtiki qassap pichiqi sétiwélip, shu küni shinni öltürgen.

Melum bolushiche, ju muddetsiz qamaq jazasigha höküm qilinishi mumkin iken. Ju xeyyang xitayning ningbo shehiridin, shin yang bolsa béyjing shehiridin bolup, ular téxi bu yil tonushqan iken.

Toluq bet