Хитай қәшқәрни чеқишқа башлиғандин кейин, уйғурларниң баш кейимини чәклимәктә

Хитай һөкүмити қәшқәрни чеқишқа башлиғандин кейин, уйғурларниң баш кейим кейишини чәклимәктә. Радиомизға кәлгән инкасларға қариғанда, баш кейим кейишни чәкләш қәшқәр шәһиридила әмәс, бәлки әтраптики башқа юртларғиму кеңәйтилгән.
Мухбиримиз вәли
2009-06-24
Елхәт
Пикир
Share
Принт

Қарғилиқ наһийисидики мәктәпләрдә қиз - оғул оқуғучиларниң дәрсханидила әмәс, бәлки срттиму баш кейим кейиши чәкләнгән. Адәттә, баш кейим билән мәктәпкә кәлгәнләр дәрвазидин киргүзүлмәйду. Мәктәп билән яки балилири билән алақилишиш үчүн кәлгән ата - аниларму мәктәпләргә баш кейим билә кәлсә дәрвазидин киргүзүлмәйду.

Франсийә агентлииқниң баян қилишичә, коммунист хитай һөкүмити һазир һакимийәт қурғанлиқиниң 60 йиллиқини хатириләш үчүн, йүз миңлиған қораллиқ сақчи вә формисиз сақчи уюштуруп, уларни һәр қайси җайларға орунлаштурушқа башлиған. Уйғур аптоном районида болса, хитайлар һазир гезит - журналларда һәр хил мақалиләрни елан қилип, милләтләр иттипақиниң 60 йиллиқ нәтиҗилирини сөзләшкә башлиған.

Бәзи учур вастилиридин мәлум болушичә, уйғурлар һазир пәқәт өзиниң авазини чиқиришқа мумкин болған наһайити чәклик имканийәтләрдин пайдилинип, хитайларниң армийигә, сақчиға вә қалпақ кәйгүзүшкә тайинип елип бериватқан ялған тәшвиқатлирини паш қилмақта.

Бәзи зиялийлар, 'хитайларниң елан қилған мақалилиридә 1952‏ - йилидики миллй дарамәт 2008 ‏ - йилиға кәлгәндә 341 һәссә өсти, намратларниң сани йилдин ‏ - йилға азлап һазир 2 мийон 800 миңға чүшүп қалди, дегәнлики, дәл 60 йиллиқ милләтләр иттипақи дегән сиясәтниң нәтиҗиси ' дәп язди.


Пикирләр (0)
Share
Толуқ бәт