Qurultay wekillirige shikayet qilmasliq heqqide 8 maddiliq shert qoyghanliq xewiri xelq'ara metbu'atlarda inkas qozghidi

Bügün b b s agéntliqi, erkin asiya radi'osi, yaxo tor xewerliri, twitér,xitaygha nezer qatarliq xelq'ara xewer agéntliqliri we tor béketlirining xewerliride xitayning hökümet metbu'ati bolghan shinxu'a agéntliqida shenshi ölkilik xelq qurultiyining wekillerge shikayet qilmasliq heqqide qoyghan 8 maddiliq sherti tenqidlen'genliki heqqide xewer bérilgen.
Muxbirimiz méhriban
2013-01-22
Élxet
Pikir
Share
Print

Bu, xitay hökümet axbarat wasitiliride xitaydiki ölke derijilik hökümet orunlirining tunji qétim ashkara tenqidlinishi ikenliki ilgiri sürüldi.

Xitayning hökümet metbu'ati bolghan shinxu'a agéntliqi bügün 22-yanwardiki xewiride shenshi ölkilik xelq qurultiyining 2013-yili échilish aldida turghan xitay memliketlik ikki yighin harpisida shenshide échilidighan xelq wekiller qurultiyi wekiller yighinida wekillerning shikayet qilmasliqi heqqide chüshürgen 8 maddiliq belgilimini tenqidlidi.

Shinixu'a agéntliqining xewiride shenshi ölkilik hökümet tenqidlinip, "Xelq qurultiyi xelqning hökümetke bolghan rayini bilidighan meydan, yighin mezgilide wekillerning shikayet qilishigha yol qoyulmisa, bu qandaqmu xelq wekiller qurultiyi bolidu" déyilgen.

Toluq bet