Хитай сомалидики деңиз қарақчилириға 4 милйон доллар төләп адәмлирини қутқазған

Хитай мәтбуати түнүгүн, сомалидики деңиз қарақчилири тәрипидин булап кетилгән бир парахот вә гөрүгә елинған кишиләрниң қутулдурулғанлиқини хәвәр қилған иди.
Мухбиримиз шоһрәт һошур
2009-12-29
Елхәт
Пикир
Share
Принт

Әмма хәвәрдә қарақчиларға пул төлигән - төлимигәнлики билдүрүлмигән иди. Бүгүн ройтрис агентлиқиниң ашкарилишичә, хитай адәмлирини қутулдуруш үчүн деңиз қарақчилириға 4 милйон доллар пул төлигән.

Деңиз қарақчилиридин хасин исимлик бирси түнүгүн хитайниң дешинхуа намлиқ парахотида туруп ройтрис мухбириниң соалиға җаваб бәргән. У җавабида, хитайниң бир тик учар айропилан билән келип, парахотқа 4 милйон доллар пулни ташлап бәргәнликини, йәнә бир қанчә саәттин кейин парахот вә адәмләрни қоюветидиғанлиқини билдүргән.

Парахот қоюветилгәндин кейин, хитай ташқи ишлар министирлиқи парахот хадимлирини тәкрар агаһландуруп, бихәтәр қирғаққа йетивалғичә һушяр болушни вә қарақчиларға тәкрар гөрүгә елинип кетиштин сақлинишни тапилиған.

Хитайниң мәзкур парахоти бу йил 10 ‏- айниң оттурида, җәнубий африқидин көмүр тошуватқан пәйттә, һинди окянниң сомали әтрапидин өтүветип деңиз қарақчилири тәрипидин булап кетилгән. Парахотта мулазимәт қиливатқан 25 нәпәр хитай пуқраси гөрүгә еливелинған иди.

Өткән айда хитай мәзкур адәмлирини қутулдуруш үчүн, һәрбий күчлиридин тәшкилләнгән бир қутқузуш әтрити әвәткән болсиму, қутқузушқа қурби йәтмигән, ақивәттә, хитай сомалидики диний зат вә җамаәт әрбаблири билән көрүшүп, деңиз қарақчилири билән содилишишниң йолини издигән иди.

Пикирләр (0)
Share
Толуқ бәт