Teywen yéqinda Uyghur, tibet mesiliside xitayning ghezipini keltürüshi mumkin

Roytérs agéntliqining bayan qilishiche, peyshenbe küni - kommunist xitay hakimiyet qurghanliqining 60 yilliqini chong tebrikleydighan küni, teywende Uyghur rehbiri rabiye qadir heqqidiki we tibet teshkilatlirining bashliqi dondup wunchin heqqidiki ikki höjjetlik filim qoyulidu. Bu, xitayning ghezipini keltürüshi mumkin.
Muxbirimiz weli
2009-09-30
Élxet
Pikir
Share
Print

Xitay hazirgha qeder Uyghur rehbiri rabiye qadirni 'ürümchi weqesini qozghidi,' dep eyiblep kéliwatidu.

Muhajirettiki tibetlernimu, hetta dalay lamanimu milliy bölgünchi dep eyiblep kéliwatidu. 1949 ‏ - Yili mawzédong bilen jang keyshi otturisida yüz bergen ichki urushta xitaydin bölünüp chiqqan teywennimu, hazirgha qeder özining zémini dep jakarlap kéliwatidu.

Buningdin burun dalay lamaning teywen'ge teklip qilinishi tüpeylidin xitay bilen teywen otturisida yüz bergen jiddiylikni, gerche teywendiki gomindang partiyisi peseytip turiwatqan bolsimu, teywende bu qétim muhajirettiki Uyghurlar we tibetler heqqidiki höjjetliki filimlerni kommunist xitayning 60 yilliqini chong tebrikleydighan künide qoysa, bu ikki terep munasiwitidiki mesililerni müshkülleshtürüp qoyidighanliqi tesewwurdin yiraq emes.

Toluq bet