Хитайда дини әркинлик қаттиқ контрол қилинмақта

Ройтерс агентлиқиниң хәвәр қилишичә, дин вә иҗтимаий һаят үстидә тәкшүрүш елип баридиған бир мунбәр һәрқайси дөләтләрниң дини әркинлики үстидә тәкшүрүш доклати елан қилған.
Мухбиримиз ирадә
2009-12-17
Елхәт
Пикир
Share
Принт

Доклаттин мәлум болушичә, дуня нопусиниң 70 прсәнткә йеқини охшимиған түрләр бойичә диний әркинликтә чәклимигә учрайдикән. Доклатта йәнә дунядики диний әркинлик әһвали әң начар болған 10 дөләт тизип чиқилған болуп, буниң қатарида хитайму бар.

Буниңда хитайдики уйғур вә тибәтләрниң диний әркинлик мәсилисиму тилға елинған болуп, хитайниң тибәт буддистлириниң вә уйғур мусулманлириниң дини паалийәтлирини чәкләп келиватқанлиқи оттуриға қоюлған. Булардин башқа йәнә, фалунгоңға охшаш һәрикәтләрниң вә башқа дини тәшкилатларниңму "әнгә елинмиған тәшкилат" дегән нам билән қаттиқ бесимларға учрайдиғанлиқи оттуриға қоюлған.

Сәуди әрәбистан, иран, мисир вә афғанистан қатарлиқ мусулман дөләтлириму дини әркинлик еғир дәриҗидә чәклимигә учрайдиған дөләтләр қатаридин йәр алған болуп, доклатта илгири сүрүлүшичә, бу дөләтләрдә кишиләрниң өзлири халиған динға ишиниш һоқуқи қаттиқ чәкләнмәктә. Ғәрбий явропадики германийә вә фирансийә вә авистрйә қатарлиқ дөләтләрдә болса кишиләрниң охшимайдиған тәриқәт вә мәзһәпләргә ишиниши қанун арқилиқ чәкләнмәктә.

Пикирләр (0)
Share
Толуқ бәт