Xitayda dini erkinlik qattiq kontrol qilinmaqta

Roytérs agéntliqining xewer qilishiche, din we ijtima'iy hayat üstide tekshürüsh élip baridighan bir munber herqaysi döletlerning dini erkinliki üstide tekshürüsh doklati élan qilghan.
Muxbirimiz irade
2009-12-17
Élxet
Pikir
Share
Print

Doklattin melum bolushiche, dunya nopusining 70 prsentke yéqini oxshimighan türler boyiche diniy erkinlikte cheklimige uchraydiken. Doklatta yene dunyadiki diniy erkinlik ehwali eng nachar bolghan 10 dölet tizip chiqilghan bolup, buning qatarida xitaymu bar.

Buningda xitaydiki Uyghur we tibetlerning diniy erkinlik mesilisimu tilgha élin'ghan bolup, xitayning tibet buddistlirining we Uyghur musulmanlirining dini pa'aliyetlirini cheklep kéliwatqanliqi otturigha qoyulghan. Bulardin bashqa yene, falun'gonggha oxshash heriketlerning we bashqa dini teshkilatlarningmu "en'ge élinmighan teshkilat" dégen nam bilen qattiq bésimlargha uchraydighanliqi otturigha qoyulghan.

Se'udi erebistan, iran, misir we afghanistan qatarliq musulman döletlirimu dini erkinlik éghir derijide cheklimige uchraydighan döletler qataridin yer alghan bolup, doklatta ilgiri sürülüshiche, bu döletlerde kishilerning özliri xalighan din'gha ishinish hoquqi qattiq cheklenmekte. Gherbiy yawropadiki gérmaniye we firansiye we awistrye qatarliq döletlerde bolsa kishilerning oxshimaydighan teriqet we mezheplerge ishinishi qanun arqiliq cheklenmekte.

Toluq bet