Xitayda eydiz wirusi bilen yuqumlan'ghan nurghun balilar yenila dawalinish pursitidin mehrum yashimaqta

Xitayda eydiz bimarlirining barghanche köpiyishige egiship, xitay hökümiti eydiz bimarlirini bikargha dawalash méxanizmini berpa qilghanliqini körsetken bolsimu, emma roytérsta körsitilishiche, eydiz wirusi bilen yuqumlan'ghan nurghun balilar namratliq sewebidin yenila dawalinish pursitidin mehrum yashimaqta iken.
Muxbirimiz jüme
2009-04-20
Élxet
Pikir
Share
Print

Xewerde körsitilishiche, bash shtabi nyuyork shehirige jaylashqan eydiz jem'iyiti - asiyani ilgiri sürüsh fondi jem'iyiti élan qilghan doklatta xitay bezi a'ililerning bu xildiki dawalash méxanizimi barliqidinmu xewersiz iken.

"Asiyani ilgiri sürüsh fondi jem'iyiti" diréktori sara dawis, gerche xitay hökümiti eydizni tizginlesh jehette bezi netijilerni hasil qilghan bolsimu, emma xitayda yene nurghun balilarning xata dawalinidighanliqini bildürgen.

Melum bolushiche, nöwette xitayda 10 minggha yéqin bala eydiz wirus bilen yuqumlan'ghan bolup, bularning köpinchisi anidin baligha yuqush yoli bilen yuqumlan'ghan.

Uyghur élimu eydiz bilen yuqumlinish eng éghir bolghan rayonlarning biri. Uyghur élide 2008 - yilining axirighiche melum bolghan eydiz yuqumdari 25 mingdin ashqan bolup, emma bularning ichide qanche neper balining barliqi téxi melum emes.


Toluq bet