Uyghur élidin yene bir türküm yash xitayning jyangsu ölkisige terbiyilinishke ewetildi

Xitayning shinxu'a xewer toridin melum bolushiche, bu yil öktebir éyida Uyghur élidin 1415 neper yash xitayning jyangsu ölkisige qayta terbiyilinishke ewetilgen.
Muxbirimiz méhriban
2012-10-16
Élxet
Pikir
Share
Print

Xitayning hökümet xewiride bu yashlarning qaysi sahelerde terbiyilinidighanliqi heqqide éniq melumat bérilmigen bolsimu, emma da'iriler ularning jyangsudiki aliy mekteplerde bir yil terbiyilen'gendin kéyin, Uyghur aptonom rayonidiki yéza, bazar, kent, mehellilerdiki asasiy qatlam xizmetlirige teqsim qilinidighanliqini bildürgen.

Igiligen uchurlardin melum bolushiche, bu yashlar 2009-yildin ilgiri uniwérsitétlarni tügitip ish kütüp turghan oqughuchilar bolup, 2010-yildin buyan da'irilerning Uyghur rayonidiki aliy mekteplerni tügetkendin kéyin ishqa orunlishalmighan yashlarni türküm-türkümlep xitay ölkilirige "Qayta terbiyilesh" namida ewetishi, Uyghur weziyitini közetküchilerning diqqitini tartqan.

Ehwaldin xewerdar kishilerning bildürüshiche, bu kursantlargha nuqtiliq halda xitay tili, xitay kommunist partiye tarixi we xitayning milliy siyasiti qatarliq dersler ötilidighan bolup, közetküchiler da'irilerning "Qayta terbiyilesh" déginining, emeliyette ménge yuyush terbiyisi bolup, Uyghur élide xitay kommunist hökümitige sadiq bir türküm asasi qatlam kadirlirini terbiyileshni meqset qilghanliqini ilgiri sürmekte.

Toluq bet