Үрүмчигә йөткәп апирилған хитай сақчилири аялларниң үсти - бешини ахтурмақта

Дуня уйғур қурултийиниң баянатчиси дилшат ришит әпәнди үрүмчи вәқәсини бастуруш үчүн үрүмчигә йөткәп апирилған хитай сақчиларниң кочиларға чиққан уйғур қиз - аяллириниң үсти бешини ахтуруп уларни қаттиқ сарасимгә селиватқанлиқини ейитти.
Мухбиримиз ирадә
2009-07-23
Елхәт
Пикир
Share
Принт

У йәнә дуняниң һечқандақ йеридә әр сақчилар аялларниң үсти - бешини ахтуридиған ишниң йоқлуқини, әмма үрүмчи вәқәсидин кейин ләнҗудин йөткәп келингән хитай әскәрлириниң уйғур қиз - аяллириниң үсти - бешини тәкшүрүп, уларниң сомкилирини ахтуруп биарам қиливатқанлиқини, һазир уйғур қиз - аяллириниң ялғуз кочиға чиқалмайватқанлиқини ейитип, буни җинси паракәндичилик селиш, дәп ипадә қилди.

Хитай даирилири һазир қорал - ярақ вә оқ ‏ - дорилириниң чегра еғизлири арқилиқ уйғур дияриға парчә - парчә һалда киришиниң алдини елиш дигән баһанә билән қаттиқ тәкшүрүш елип бериватқан болуп, уйғурларниң өй - маканлири, иш йәрлири, шәхси боюмлири һәтта аялларниң қол сомкилиридин тартип һәммә нәрсини қаттиқ тәкшүрмәктә икән.

Хитай һөкүмити бу тәдбирләрни чәтәлләрдики аталмиш "үч хил күчләр"ниң уйғур дияридики "үч хил күчләр" билән бирлишип қайта вәқә садир қилишиниң алдини елиш үчүн елип бериватқанлиқини, әмма уйғур дияри вәзийитиниң аллиқачан нормал һалитигә қайтқанлиқини илгири сүрмәктә.

Пикирләр (0)
Share
Толуқ бәт