Ürümchige yötkep apirilghan xitay saqchiliri ayallarning üsti - béshini axturmaqta

Dunya Uyghur qurultiyining bayanatchisi dilshat rishit ependi ürümchi weqesini basturush üchün ürümchige yötkep apirilghan xitay saqchilarning kochilargha chiqqan Uyghur qiz - ayallirining üsti béshini axturup ularni qattiq sarasimge séliwatqanliqini éyitti.
Muxbirimiz irade
2009-07-23
Élxet
Pikir
Share
Print

U yene dunyaning héchqandaq yéride er saqchilar ayallarning üsti - béshini axturidighan ishning yoqluqini, emma ürümchi weqesidin kéyin lenjudin yötkep kélin'gen xitay eskerlirining Uyghur qiz - ayallirining üsti - béshini tekshürüp, ularning somkilirini axturup bi'aram qiliwatqanliqini, hazir Uyghur qiz - ayallirining yalghuz kochigha chiqalmaywatqanliqini éyitip, buni jinsi parakendichilik sélish, dep ipade qildi.

Xitay da'iriliri hazir qoral - yaraq we oq ‏ - dorilirining chégra éghizliri arqiliq Uyghur diyarigha parche - parche halda kirishining aldini élish digen bahane bilen qattiq tekshürüsh élip bériwatqan bolup, Uyghurlarning öy - makanliri, ish yerliri, shexsi boyumliri hetta ayallarning qol somkiliridin tartip hemme nersini qattiq tekshürmekte iken.

Xitay hökümiti bu tedbirlerni chet'ellerdiki atalmish "üch xil küchler"ning Uyghur diyaridiki "üch xil küchler" bilen birliship qayta weqe sadir qilishining aldini élish üchün élip bériwatqanliqini, emma Uyghur diyari weziyitining alliqachan normal halitige qaytqanliqini ilgiri sürmekte.

Toluq bet