خۇجىنتاۋ خىتاي كادىرلارنى ئاز سانلىق مىللەتلەرنىڭ تىلىنى ئۆگىنىشكە چاقىرغان

رويتېرس ئاگېنتلىقىنىڭ بۈگۈن بېيجىڭدىن خەۋەر قىلىشىچە، خىتاي رەئىسى خۇجىنتاۋ سەيشەنبە كۈنى بىر يىغىندا سۆز قىلىپ، ئاز سانلىق مىللەتلەر رايونىدا ياشاۋاتقان خىتاي كادىرلارنىڭ، شۇ جايدىكى ئاز سانلىق مىللەتلەرنىڭ تىلىنى ئۆگىنىشكە، ئاز سانلىق مىللەتلەرنى چۈشۈنۈشكە ۋە ئۇلارنىڭ مەدەنىيىتىگە ھۆرمەت قىلىشقا چاقىرغان.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2009-09-29
ئېلخەت
پىكىر
Share
پرىنت

ئەسلىدە خۇجىنتاۋ ئوتتۇرىغا قويغان بۇ چاقىرىق، خىتاينىڭ قانۇن ۋە ھۆججەتلىرىدە خېلى بۇرۇنلا ئوتتۇرىغا قويۇلغان؛ ئەمما يېرىم ئەسىردىن بېرى ئەمەلىيلەشمىگەن.

خۇجىنتاۋنىڭ بۇ قېتىم، 5 - ئىيۇل ئۈرۈمچى ۋەقەسىدىن كېيىن مەزكۇر چاقىرىقنى قايتا تەكرارلىشى، خىتاي ھاكىمىيىتىنىڭ ئۆز خاتالىقىنى تونۇش پوزىتسىيىسى سۈپىتىدە كۆرۈلمەكتە. ئەمما خۇنجىنتاۋ سۆزىنىڭ داۋامىدا خىتاي ھۆكۈمىتىنىڭ مىللەتلەر مەسىلىسىنى غەلىبىلىك ھەل قىلىپ كەلگەنلىكىنى، خىتاي كومپارتىيىسىنىڭ ئاز سانلىق مىللەتلەر سىياسىتىنىڭ تامامەن توغرا ئىكەنلىكىنى تەكىتلىگەن.

كۆزەتكۈچىلەرنىڭ قارىشىچە، خۇجىنتاۋنىڭ ئوخشاش ۋاقىتتا ئىپادىلىگەن ھەم خاتالىقىنى تونۇش، ھەم خاتالىقىنى ئىنكار قىلىش پوزىتسىيىسى، خىتاي رەھبەرلىك قاتلىمىنىڭ مىللەتلەر مەسىلىسىنى ھەل قىلىشتا، پىكىر ئىختىلاپى ياكى تېڭىرقاش ئىچىدە ئىكەنلىكىنى كۆرسەتمەكتە.

پىكىرلەر (0)
Share
تولۇق بەت