Xujintaw xitay kadirlarni az sanliq milletlerning tilini öginishke chaqirghan

Roytérs agéntliqining bügün béyjingdin xewer qilishiche, xitay re'isi xujintaw seyshenbe küni bir yighinda söz qilip, az sanliq milletler rayonida yashawatqan xitay kadirlarning, shu jaydiki az sanliq milletlerning tilini öginishke, az sanliq milletlerni chüshünüshke we ularning medeniyitige hörmet qilishqa chaqirghan.
Muxbirimiz shohret hoshur
2009-09-29
Élxet
Pikir
Share
Print

Eslide xujintaw otturigha qoyghan bu chaqiriq, xitayning qanun we höjjetliride xéli burunla otturigha qoyulghan؛ emma yérim esirdin béri emeliyleshmigen.

Xujintawning bu qétim, 5 - iyul ürümchi weqesidin kéyin mezkur chaqiriqni qayta tekrarlishi, xitay hakimiyitining öz xataliqini tonush pozitsiyisi süpitide körülmekte. Emma xunjintaw sözining dawamida xitay hökümitining milletler mesilisini ghelibilik hel qilip kelgenlikini, xitay kompartiyisining az sanliq milletler siyasitining tamamen toghra ikenlikini tekitligen.

Közetküchilerning qarishiche, xujintawning oxshash waqitta ipadiligen hem xataliqini tonush, hem xataliqini inkar qilish pozitsiyisi, xitay rehberlik qatlimining milletler mesilisini hel qilishta, pikir ixtilapi yaki téngirqash ichide ikenlikini körsetmekte.

Toluq bet