Япон ахбарат васитилири шималий корийиниң ракеталириға йеқилғу қойғанлиқини хәвәр қилди

Японийә хәвәр агентлиқлири шималий корийә һөкүмитигә йеқин ишәнчлик мәнбәдин еришкән учурға асасән шималий корийиниң синақ қилмақчи болған ракетасиға йеқилғу қойғанлиқини, ракетаниң алдимиздики айниң 12-13 күнлири қоюп берилиши мумкинликини хәвәр қилди.
Мухбиримиз ирадә
2012-03-29
Елхәт
Пикир
Share
Принт

Җәнубий корийә мудапиә министириму йәкшәнбә күнидики баянатида, шималий корийиниң ракета асасий гәвдисини синақ мәйданиға йөткәп маңғанлиқини билдүргән иди.

Шималий корийә узун мусапилик ракета синиқи елип баридиғанлиқини җакарлиғандин кейин, америка, җәнубий корийә вә японийә қатарлиқ дөләтләр буниңға қаттиқ наразилиқ билдүрүп, уни ядро қораллирини синақ қилишни тохтитиш һәққидә қилған вәдисигә хилаплиқ қилиш билән әйиблигән иди.

Чаршәнбә күни америка һөкүмити шималий корийигә қилмақчи болған йемәклик ярдимини әмәлдин қалдуридиғанлиқини җакарлиди. Ақсарайдин берилгән баянатта шималий корийигә, вәдисигә әмәл қилмиған вә қилиниватқан ярдәмләрниң нәгә кетидиғанлиқи ениқ болмиған бир шараит астида ярдәм беришниң мумкин әмәслики билдүрүлди.

Нөвәттә японийә, америка вә җәнубий корийиләр шималий корийиниң бу синиқиға қандақ тақабил туруш һәққидә җиддий музакириләр елип бармақта. Бүгүн америка мудапиә министирлиқи пәнтагонниң генерали шималий корийиниң бу ракета билән бирликтә йәнә, интернет арқилиқ һуҗум қозғиялайдиған иқтидарниму йетилдүргәнликини билдүргән.

Пикирләр (0)
Share
Толуқ бәт