Yaponiye da'iriliri aral mesiliside xitay hökümitige étiraz bildürdi

24 - Öktebir yekshenbe küni xitayning ikki béliqchi kémisi yaponiye - xitay arisida talash - tartish qiliniwatqan aralgha yéqinlashqan bolup, netijide, yaponiye da'iriliri xitay hökümitige bu heqte étiraz bildürgen.
Muxbirimiz jüme
2010-10-25
Élxet
Pikir
Share
Print

Yaponiyining yuqiri derijilik hökümet bayanatchisi yoshito sénkaku düshenbe küni bu heqte bayanat bérip mundaq dégen: "tünügün kech sa'et 9 etrapida déngiz qoghdighuchilirimiz bu kémilerni bayqighan. Kéyin, bu xitay kémiliri bu yerdin ayrilip, shimalgha burulup xitaygha qarap yürüp ketken."

Yaponiye xitay arisida talash - tartish qiliniwatqan mezkur aral, sherqiy xitay déngizigha jaylashqan bolup, yaponiye sénkaku, xitay dyawyü arili dep ataydu.

Mezkur aral mesilisidiki talash - tartish bu yil séntebirde, yaponiye da'iriliri sénkakugha yéqinlashqan xitay béliqchi kémisining kapitanini qolgha élip, 17 kün tutup turghandin kéyin téximu jiddiyleshken idi.

Ötken hepte axiri xitayning sichüen ölkisi déyang shehiri we gensu ölkisi lenju shehiride yaponiyige qarshi namayish élip bérilghan.

Shenbe küni yaponiyining takamatsu shehiride xitaygha qarshi namayish élip bérilghan. Namayishqa 300 etrapida adem qatnashqan.

Melum bolushiche, mezkur aral mesilisidiki ixtilaplar tüpeyli yaponiye - xitay munasiwetliri yéqinqi yillardin buyanqi eng töwen chekke chüshüp qalghan.

Toluq bet