ياپونىيە 1965 - يىلى ئامېرىكانى خىتايغا قارشى يادرو قورالى ئىشلىتىشكە دەۋەت قىلغان

ياپونىيە تاشقى ئىشلار ۋەزىرلىكىنىڭ مەخپىي ئارخىپلارنى ئاشكارىلىشىچە، 1965 - يىلى،1 - ئايدا ياپونىيە باش ۋەزىرى ئېيساكۇ ساتو ئامېرىكانى زىيارەت قىلغاندا، ئەينى ۋاقىتتىكى ئامېرىكا دۆلەت مۇداپىئە مىنىستىرى روبېرت ماكنامارا بىلەن ئۇچرىشىپ، ئۆتكۈزگەن سۆھبىتىدە ئامېرىكانى خىتايغا قارشى يادرو ھۇجۇمى قىلىشقا دەۋەت قىلغان بولۇپ، بىرلەشمە ئاگېنتلىقىنىڭ ياپونىيە مەتبۇئاتلىرىدىن نەقىل كەلتۈرۈپ خەۋەر بېرىشىچە، سابىق ياپونىيە باش مىنىستىرى ئەگەر خىتاي بىلەن ئۇرۇش پارتلاپ قالسا، ئامېرىكىنىڭ يادرو قورالى بىلەن جاۋاب قايتۇرۇشىنى ئۈمىد قىلىدىغانلىقىنى بىلدۈرگەن .
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2008-12-21
ئېلخەت
پىكىر
Share
پرىنت

بۇ، خىتاينىڭ لوپنور رايونىدا تۇنجى قېتىم يادرو سىنىقى ئېلىپ بېرىپ، بىر يىل ئۆتكەن ۋاقىت بولۇپ، ئەينى ۋاقىتتا خىتايمۇ ئاتوم قورالىغا ئىگە دۆلەتكە ئايلانغان ئىدى. ئۇنىڭ ئۈستىگە يەنە ۋېتنامنىڭ ۋەزىيىتىمۇ جىددىلىشىۋاتقان چاغ بولۇپ، غەرب دۇنياسى بىلەن سوتسىيالىزم ئارىسىدىكى زىددىيەتلەر ئۆتكۈرلەشكەن، سوۋېت ئىتتىپاقى بىلەن خىتاي ئارىسىدىمۇ زىددىيەتلەر كۈچەيگەن، ياپونىيە بۇ ئەھۋاللارنى ئۆزىگە نىسبەتەن خەتەرلىك ھېس قىلغان ئىدى.

ياپونىيە ۋەزىرى ئامېرىكا مۇداپىئە مىنىستىرى ماكمالاغا ياپونىيىنىڭمۇ يادرو قورالىنى راۋاجلاندۇرۇش مۇمكىنچىلىكى بولسىمۇ، لېكىن ئاتوم بومبىسى ياساش پىلانى يوقلىقىنى،ئەمما ياپونىيىنىڭ ئامېرىكىنىڭ يادرو قورالىنى ياپونىيىگە ئېلىپ كىرىشىنى تەلەپ قىلىدىغانلىقىنى بىلدۈرگەن. ئۇ يەنە ئۇرۇش پارتلاپ قالسا، يادرو قورالى بار پاراخوتلاردىن ئالدى بىلەن دېڭىزدىن ھەرىكەتكە ئۆتۈشىنى تەكىتلىگەن.

مەزكۇر ياپون باش ۋەزىرى يەنە ئاق سارايدا ئۆتكۈزۈلگەن دۆلەت باشلىقلىرى يىغىنىدا ئامېرىكىنىڭ ياپونىيىنى قوغداش ۋەدىسىدە تۇرۇشىنى ئۈمىد قىلىدىغانلىقىنى بىلدۈرگەن.


پىكىرلەر (0)
Share
تولۇق بەت